जळगाव (प्रतिनिधी) जळगाव जिल्हा मध्यवर्ती सहकारी बँकेच्या निवडणुकीसाठी अर्ज दाखल करण्याचा शेवटचा दिवस होता. या निवडणुकीपुर्वीच भाजपला धक्का सहन करावा लागला आहे. कारण राष्‍ट्रवादी व शिवसेनेचे मिळून तीन उमेदवार बिनविरोध झाले आहेत. महाविकास आघाडीतर्फे धरणगावातून संजय मुरलीधर पवार, तर पारोळा आणि एरंडोलमधून अनुक्रमे चिमणराव पाटील व अमोल चिमणराव पाटील या तिघांची बिनविरोध निवड निश्चीत झाली आहे.
जळगाव जिल्हा बँक संचालक पदाच्या निवडणुकीत अर्ज भरण्याचा आजचा शेवटचा दिवस होता.अर्ज भरण्यासाठी प्रचंड गर्दी जिल्हा बँकेत झाली होती. सर्व पक्षीय पॅनल फिस्कटल्यानंतर भाजपने स्वतंत्र लढण्यासाठी कंबर कसली. त्यामुळे उमेदवारी दाखल करण्यासाठी सर्वच पक्षाची धांदल उडाली. तीन वाजेपर्यंत मोठ्या प्रमाणात अर्ज दाखल झाल्याचे सांगण्यात येत आहे. जिल्हा बँक आज अर्ज दाखल करण्याच्या शेवटच्या दिवशी महाविकास आघाडीतर्फे धरणगावातून संजय मुरलीधर पवार, तर पारोळा आणि एरंडोलमधून अनुक्रमे चिमणराव पाटील व अमोल चिमणराव पाटील या तिघांची बिनविरोध निवड निश्चीत झाली आहे. यामुळे महाविकास आघाडीने सर्व जागांवर तयारी करण्याच्या भाजपच्या दाव्याला धक्का देण्याचे काम केले आहे.
बिनविरोध निवड निश्चीत झाल्यानंतर जिल्हा बँकेत आमदार चिमणराव पाटील, संजय पवार व अमोल पाटील यांचा सत्कार करण्यात आला. याप्रसंगी माजी मंत्री गुलाबराव देवकर, माजी मंत्री डॉ. सतीश पाटील, जिल्हा बँक अध्यक्षा रोहिणी खडसे, शिवसेना जिल्हा प्रमुख विष्णू भंगाळे आदी उपस्थित होते.
