जळगाव (प्रतिनिधी) विभागीय महसुल आयुक्त कार्यालय, नाशिक येथे सोमवार, दिनांक १२ जुलै, २०२१ रोजी सकाळी ११.०० वाजता विभागीय लोकशाही दिनाचे आयोजन करण्यात आले आहे. अशी माहिती गोरक्ष गाडीलकर, उपायुक्त (महसुल) विभागीय आयुक्त कार्यालय, नाशिक यांनी दिली प्रसिध्दी पत्रकान्वये दिली आहे.
सह मुख्य सचिव, महाराष्ट्र राज्य यांचेकडील २५ जुन, २०२१ च्या आदेशान्वये कोविड-१९ च्या फैलावास प्रतिबंध करण्यासाठी व विभागीय लोकशाही दिनाचे आयोजनाबाबत कळविल्यानुसार १२ जुलै, २०२१ रोजी होणाऱ्या विभागीय लोकशाही दिनात अर्जदारांचे अर्ज समक्ष, टपाल व ईमेलव्दारे स्वीकारण्यात येणार आहे.
सद्यःस्थितीत कोविड बाधीत रुग्णांची संख्या वाढत असल्यामुळे या कार्यक्रमास कोणत्याही विभागाचे अधिकारी यांनी उपस्थित राहण्याची आवश्यकता नाही. त्यांचे विभागाशी संबधीत अर्ज प्राप्त झाल्यास त्यावर आवश्यक ती कार्यवाही करण्यासाठी तो संबंधित विभागाकडे पाठविण्यात येईल. असेही श्री. गाडीलकर यांनी प्रसिध्दी पत्रकात म्हटले आहे.
