मुंबई (वृत्तसंस्था) राणा दाम्पत्याच्या जामीन अर्जावर न्यायालयात आज महत्त्वपूर्ण सुनावणी पार पडली. राणांच्या जामीन अर्जाला सरकारी वकील अॅड. प्रदीप घरत यांनी जोरदार विरोध केला. जर राणा दाम्पत्य कोठडीतून बाहेर आले तर पुन्हा तोच तमाशा होईल, राडा होईल, ही सुनावणी फक्त जामीनाची नसून ते जर बाहेर आले तर परिस्थिती आणखी बिघडेन, असं अॅड. घरत यांनी न्यायालयाला सांगितलं.
राणा दाम्पत्याच्या वकिलांचा युक्तीवाद
फक्त राणा दाम्पत्यच मातोश्रीवर हनुमान चालिसा पठण करणार होते
बाकी कुणीच कार्यकर्ते मातोश्रीवर हनुमान चालिसा पठणासाठी जाणार नव्हते
गडबड, गोंधळ, हिंसा टाळण्यासाठी राणांनी कार्यकर्त्यांना न येण्याचं आवाहन केलं होतं
हनुमान चालिसा पठण करणं हा राजद्रोह होऊ शकत नाही
राणा दाम्पत्य मातोश्रीवर गेले नाहीत, जी घटना घडलीच नाही त्यावर गुन्हा कसा नोंद होऊ शकतो
राणा दाम्पत्यावर कायदा सुव्यवस्था बिघडवल्याचा आरोप होतोय, पण त्यांनी नाही तर सेनेच्या कार्यकर्त्यांनीच कायदा सुव्यवस्था बिघडवली
राणांनी सरकारविरोधात कुठेही हिंसेंचं आवाहन केलं नाही
लंडन ब्रीजवर हनुमान चालिसा पठण केलं जातं, मग मातोश्रीबाहेर केलं तर बिघडलं कुठे, तो गुन्हा कसा?
राणा दाम्पत्य दुसऱ्या कोणत्याही धार्मिक स्थळावर हनुमान चालिसा पठण करणार नव्हते
राणा दाम्पत्याने घटनेच्या दिवशी दुपारीच हनुमान चालिसा पठणाचा कार्यक्रम रद्द केला
केवळ १४९ च्या नोटिसीचं पालन न केल्याने राजद्रोहाचं कलम कसं लागू शकते?
सरकारी वकील अॅड. प्रदीप घरत यांचा युक्तीवाद
राणा दाम्पत्यावर कलम १२४ (अ) का लावलं, हे जबाबात आधीच सांगितलं आहे
सरकारचं लोकशाहीवर नियंत्रण असणं गरजेचं असतं
लोकशाहीमध्ये जसे सर्वांना सारखे अधिकार आहेत, तशा जबाबदाऱ्याही आहेत
लोकशाहीमध्ये नागरी हक्कांना मर्यादा आहेत
हे केस फक्त हनुमान चालिसा पठणाची नाहीय
हनुमान चालिसा मुद्द्यावरुन राणा दाम्पत्याचा सरकारला अडचणीत आणण्याचा कट होता
