भुसावळ (प्रतिनिधी) तालुक्यातील तापी नदी काठावरील कंडारी गावतील ५०० वर्षाचा इतिहास असलेले अतिप्राचीन तीर्थक्षेत्र श्रो. कपिलेश्वर महादेव मंदिर यात्रीसाठी येणाऱ्या भाविकांच्या सुविधेसाठी भारतीय जनता पार्टी वैद्यकीय आघाडीचे उत्तर महाराष्ट्र सहसंयोजक डॉ. नितु पाटील आणि परिवार तर्फे २ स्वयंचलित इलेट्रिक हात सँनिटायझर मशीन आणि इतर साहित्य भेट देण्यात आले.
याबाबत सविस्तर वृत असे की, सालाबादप्रमाणे कंडारी गावात १४ जानेवारी, मकरसंक्रातीला श्रो. कपिलेश्वर महादेव मंदिर परिसरात यात्रा भरत असून भाविकांची अलोट गर्दी जमा होते. पण यंदा कोरोना महामारीचा प्रादुर्भाव पाहता जिल्हा प्रशासनाने यात्रेला बंदी केली असली तरी भाविकांसाठी दर्शनाची मुभा दिली आहे.दरम्यान श्रो. कपिलेश्वर महादेव मंदिर व्यवस्थापन कडून केलेल्या आवाहनाला भुसावळचे डॉ. नितु पाटील यांनी सकारात्मक प्रतिसाद देत त्यांच्या ॐ सिद्धगुरु नित्यानंद प्रतिष्ठान तर्फे आज सहपरिवार श्रो. कपिलेश्वर महादेव यांचे दर्शन घेत देणगीरुपी मंदिराला २ स्वयंचलित इलेट्रिक हात सँनिटायझर मशीन, ५०० मास्क, १२१ श्री. शिवलीला अमृताचे ११ वा अध्यायचे पुस्तक आदी मंदिर व्यवस्थापक सदस्य मुरलीधर जेठवे यांच्या जमा करण्यात आले. यावेळी डॉ. नितु पाटील आणि परिवाराला मंदिराचा संपूर्ण इतिहास, जागेच महात्म्य आदी सांगण्यात आले. तसेच समस्त कंडारीवासियांच्या वतीने डॉ. नितु पाटील, डॉ. सौ. रेणुका पाटील व परिवाराचा सत्कार करण्यात आला.
यावेळी मंदिर व्यवस्थापक सदस्य मुरलीधर जेठवे, विशाल सूर्यवंशी, वैशाली पाटील, वेदांत पाटील, दुर्वांग पाटील, कल्पना मोरे, चक्रवर्ती अशोक सम्राट प्रतिष्ठानचे अध्यक्ष विक्की मेश्राम, सुरेंद्र सोनवणे, संजय मोरे, राकेश मोरे, भूषण मोरे, चंद्रकांत साळुंके आदी ग्रामस्थ उपस्थित होते. कार्यक्रमाचे सूत्र संचालन विशाल सूर्यवंशी तर आभार प्रदर्शन विक्की मेश्राम यांनी मानले.
व्यवस्थापन समितीतर्फे करण्यात आलेल्या आवाहनाला सकारात्मक प्रतिसाद
श्रो. कपिलेश्वर महादेव मंदिर व्यवस्थापन समितीतर्फे करण्यात आलेल्या आवाहनाला सकारात्मक प्रतिसाद देत आज येणाऱ्या भक्तांसाठी देव दर्शनासोबत आरोग्य रक्षण व्हावे, म्हणून २ स्वयंचलित इलेट्रिक हात सँनिटायझर मशीन, मास्क आदी भेट देण्यात आले. आगामी काळात देखील ५०० वर्षाचा इतिहास असलेले अतिप्राचीन तीर्थक्षेत्र समाजाला माहिती होण्यासाठी प्रयत्नशील राहील.
