जळगाव (प्रतिनिधी) शिवपुत्र छत्रपती संभाजी राजे बहुउद्देशीय संस्था, नाशिक यांच्यातर्फे संभाजी नाट्यगृह महाबळ येथे डॉ. अब्दुल करीम सालार यांना राज्यस्तरीय शिवपुत्र महाराष्ट्र गौरव पुरस्कार सुपर सिद्ध प्राचार्य डॉ. अशोक राणा व वीरमाता निताताई आमले यांच्या शुभहस्ते शॉल, बुके व स्मृतिचिन्ह प्रदान करून गौरव करण्यात आले.
या कार्यक्रमाचे अध्यक्ष पुण्यनगरीचे संपादक विकास भदाणे होते. तर प्रमुख अतिथी म्हणून माजी पालकमंत्री आप्पासाहेब गुलाबराव देवकर, महापौर जयश्रीताई महाजन उपस्थित होत्या. कार्यक्रमाचे आयोजन शिवपुत्र छत्रपती संभाजीराजे बहुउद्देशीय संस्था, नाशिक यांच्या संस्थापक अध्यक्ष जगन्नाथ माधवराव पाटील यांनी केले. या संस्थेच्या वतीने आरोग्य सामाजिक, शैक्षणिक, सांस्कृतिक, राजकीय, प्रशासकीय, उद्योग, आदी क्षेत्रातील उल्लेखनीय कार्य करणाऱ्या व्यक्तींना सामाजिक कृतज्ञता म्हणून पुरस्कार देण्यात आला. कार्यक्रमाचे प्रास्ताविक व आभार प्रदर्शन जगन्नाथ पाटील यांनी केले. महाराष्ट्र राज्यातील विविध भागातील शहीद राजू साळवे यांच्या धर्मपत्नी, डॉ. अब्दुल करीम सालार, संतोष भंडारी, उद्योगपती राम दयाराम पाटील, डीवायएसपी अण्णासाहेब मारुती जाधव, अॅड. ललिता पाटील, ईश्‍वर जगन्नाथ पाटील योगेश देसाई, लक्ष्मण सखाहारी डोळे, विद्या रवींद्र करपे अशा कर्तृत्ववान व्यक्तींना प्रदान करण्यात आला.
यावेळी गुलाबराव देवकर म्हणाले की, पुरस्कारांची आम्हाला अभिमान आहे. पुरस्कार हे त्यांचे सामाजिक बांधिलकी जोपासल्याची पोचपावती आहे. पुरस्कार मिळाल्यावर पुरस्कारार्थी अधिक जोमाने सामाजिक कार्य करतो व ते नवीन पिढी करिता दीपस्तंभ असतात. कार्यक्रमात डॉ. अ. करीम सालार, श्रीराम पाटील, अण्णासाहेब मारुती जाधव, इत्यादी मनोगत व्यक्त केले. कार्यक्रमात डॉ. इक्बाल शाह, एजाज मलिक, अब्दुल अजिज सालार, डॉक्टर ताहेर, नबी बागबान, प्रा. जफर शेख, अब्दुल रशीद शेख, तारीक अन्वर शेख व जळगाव शहरातील नागरिक बहुसंख्येने उपस्थित होते. कार्यक्रमाचे समारोप राष्ट्रगीताने करण्यात आला.
