धरणगाव (प्रतिनिधी ) – धरणगाव आणि तापी सेक्शनमधील प्रवाशांच्या सुविधांसाठी 21 मे 2026 रोजी मुंबई सेंट्रल येथे DRUCC सदस्यांची महत्त्वपूर्ण बैठक पार पडली. या बैठकीत DRUCC सदस्य महेंद्र एस कोठारी यांनी धरणगाव स्टेशनच्या प्रलंबित कामांबाबत आणि प्रवासी सुविधांबाबत रेल्वेच्या वरिष्ठ अधिकाऱ्यांसोबत सकारात्मक चर्चा केली.
मंडल रेल प्रबंधक पंकज सिंह यांच्यासह ऑपरेशन आणि कमर्शियल विभागातील अधिकाऱ्यांशी धरणगाव स्टेशनवर सुरू असलेल्या विकासकामांच्या प्रगतीबाबत सविस्तर आढावा घेण्यात आला.
धरणगाव स्टेशनसाठी DRUCC च्या 7 मागण्या धरणगाव स्टेशनच्या विकासासाठी DRUCC सदस्य महेंद्र कोठारी यांनी मुंबई सेंट्रल येथे रेल्वे अधिकाऱ्यांसोबत बैठक घेतली. बैठकीत आषाढी वारीसाठी उधना-पंढरपूर स्पेशलच्या 5 ते 7 ट्रिप, नवीन FOB, CCTV कॅमेरे, MEMU ट्रेनमध्ये स्लीपर कोच, अमृत भारत एक्सप्रेस दैनिक करणे आणि कोयंबतूर-जयपूर तसेच चेन्नई-भगत की कोठी एक्सप्रेसला धरणगाव थांबा देण्याच्या मागण्या मांडण्यात आल्या.
प्रवाशांच्या सोयी आणि रेल्वे विकासाच्या दृष्टीने ही बैठक फलदायी ठरली असून, धरणगाव स्टेशनचा कायापालट करण्यासाठी ठोस पावले उचलण्याची अपेक्षा आता व्यक्त केली जात आहे.
