धरणगाव (प्रतिनिधी) येथील श्री विवेकानंद शिक्षण प्रसारक मंडळाच्या बालकवी ठोंबरे व सारजाई दामोदर कुडे माध्यमिक विद्यालयाच्या विद्यार्थ्यांनी आज आषाढी एकादशी निमित्त गावात पायी दिंडी काढली. गायरान बचाव समितीचे संयोजक अमोल सखाराम महाजन यांनी सपत्नीक दिंडी प्रस्थान प्रसंगी माऊलींच्या प्रतिमेची पूजन करून आरती केली.
याप्रसंगी संस्थेचे अध्यक्ष हेमलाल भाटिया, संस्थेचे सचिव, उपाध्यक्ष तसेच सर्व संचालक मंडळ, तसेच माध्यमिक विभागाचे मुख्याध्यापक एस. एस. पाटील व प्राथमिक विभागाचे मुख्याध्यापक जीवन पाटील सर्व शिक्षक, शिक्षिका, शिक्षकेतर कर्मचारी उपस्थित होते. दिंडीत इयत्ता आठवी व नववीचे विद्यार्थी विद्यार्थिनी यांनी वारी दिंडीत विविध वारकऱ्यांची नाविन्यपूर्ण वेषभूषा केली होती. दिंडीत भजन व फुगड्या खेळून दिंडीची शोभा वाढली. दिंडी ही गावातून जात असताना धरणगाव पोलीस स्टेंशनचे पोनि राहूल खताळ, सपोनि जिभाऊ पाटील साहेब यांनी दिंडीला भेट देऊन आनंद व्यक्त केले. समाजातील दानशूर व्यक्तींनी चिमुकल्यासाठी कोट बाजार परिसरात शाम काबरा यांनी पाणी, धरणी बाजार परिसरात पंकज माळी व मित्र परिवार यांनी केळी तसेच हनुमान नगर, मराठे गल्ली परिसरात नितीन चौधरी व नवनीत चौधरी यांनी विद्यार्थ्यांना पेढे व पाणी वाटप केले. विठुरायाच्या गजराने, वारकरी विद्यार्थ्यांच्या टाळ, मृदुंगाचा गजर, पाऊली, फुगड्याच्या निनादाने संपूर्ण धरणगाव नगरी गजबजून गेली. माऊली वारकरी शिक्षण संस्थेत पायी दिंडी समारोप प्रसंगी संस्थेचे अध्यक्ष हेमलाल भाटिया यांच्या हस्ते विठुरायांचे आरती करण्यात आली. समारोपप्रसंगी अमोल सखाराम महाजन यांनी सर्व दिंडीला साबुदाण्याच्या फराळ दिला. शाळेच्या या दिंडीसाठी शाळेतील ह.भ.प.आर.डी. महाजन, ह.भ.प. अनिल पाटील यांनी विद्यार्थ्यांना मार्गदर्शन केले. वारी यशस्वीतेसाठी माऊली वारकरी शिक्षण संस्थेतील विद्यार्थी व शाळेतील सर्व शिक्षक, शिक्षिका, शिक्षकेतर कर्मचारी यांनी सहकार्य केले.
