जळगाव (प्रतिनिधी) तालुक्यातील कानळदा येथील उत्कर्ष हॉटेल मधील वेटरने ७० हजार रुपयांसह CCTV फुटेजचा DVR बॉक्स चोरी केल्याची घटना समोर आली आहे. याप्रकरणी सागर किशोर ठाकरे (धनगर) (वय २१ रा. भेदूबा प्लॉट कानळदा ता. जि.जळगाव) याला अटक करण्यात आली आहे.
यासंदर्भात विजय भिकनराव सोनवणे (वय ५०, रा. नांद्रा बु ता.जि. जळगाव) यांनी दिलेल्या फिर्यादीनुसार, दि. २७ एप्रिल २०२२ विजय सोनवणे यांच्या मालकीचे हॉटेल उत्कर्षमध्ये सागर ठाकरे (धनगर) हा वेटर असून त्याने हॉटेलमधील गल्ल्यातील ७० हजार रुपये व CCTV फुटेजचा DVR बॉक्स हे चोरून नेल्याप्रकरणी जळगाव तालुका पोलीस ठाण्यात सागरविरुद्ध गुन्हा दाखल करण्यात आला असून त्याला अटक करण्यात आली आहे. पुढील तपास पोहेकॉ अनिल बळीराम फेगडे हे करीत आहेत.
