जळगाव प्रतिनिधी – राष्ट्रीय विज्ञान दिनाच्या निमित्ताने गांधी रिसर्च फाऊंडेशन व रोटरी क्लब ऑफ जळगांव राँयल यांच्या संयुक्त विद्यमाने शिरसोली येथील बारी समाज विद्यालयात थॅलेसेमिया तपासणी शिबिराचे आयोजन करण्यात आले. या शिबिरात एकूण 144 विद्यार्थ्यांची थॅलेसेमिया आजारासाठी तपासणी करण्यात आली.
कार्यक्रमास रोटरी क्लबचे डिस्ट्रिक्ट गव्हर्नर रोटे. श्री. ज्ञानेश्वर शेवाळे, एजी रोटे. अपर्णा भट, प्रेसिडेंट रोटे. श्री. जितू भोजवानी, प्रकल्पदाते रोटे. विपलव अडवाणी, रोटे. डॉ. वर्षा रंगलानी, तोलानी थलेसेमीया फाऊंडेशन चे चेअरमन श्री. नरेश तोलानी तसेच शाळेचे मुख्याध्यापक श्री. राजेंद्र आंबटकर, श्री. दीपक कुलकर्णी आणि शिक्षक-शिक्षकेतर कर्मचारी उपस्थित होते.
प्रमुख पाहुण्यांनी विद्यार्थ्यांना थॅलेसेमिया या आनुवंशिक रक्तविकाराबाबत सविस्तर मार्गदर्शन केले. आजाराची ओळख, लक्षणे, आवश्यक तपासण्या, उपचार पद्धती तसेच विवाहपूर्व तपासणीचे महत्त्व याविषयी माहिती देण्यात आली. विज्ञान दिनाच्या पार्श्वभूमीवर विद्यार्थ्यांमध्ये वैज्ञानिक दृष्टीकोन विकसित करणे आणि आरोग्याविषयी जागरूकता निर्माण करणे हा या उपक्रमामागील मुख्य उद्देश होता.
शिबिराद्वारे विद्यार्थ्यांना लवकर निदानाचे महत्त्व पटवून देण्यात आले. भविष्यात गंभीर परिणाम टाळण्यासाठी वेळेवर तपासणी आणि योग्य वैद्यकीय सल्ला घेणे आवश्यक असल्याचेही यावेळी सांगण्यात आले.
कार्यक्रमाचे सूत्रसंचालन गांधी रिसर्च फाऊंडेशनचे क्षेत्रीय अधिकारी श्री. प्रशांत सूर्यवंशी यांनी केले, तर आभार प्रदर्शन श्री. विक्रम अस्वार यांनी व्यक्त केले. प्रसंगी सेक्रेटरी रोटे. गणेश वर्मा, सेक्रेटरी रोटे. स्नेहा गायचंदानी, रोटे. पिंकी मंधान, तनिष अडवाणी, अमोल देशमुख, प्रशांत नारखेडे व विनोद संतानी यांनी विशेष परिश्रम घेतले. शाळा प्रशासन, शिक्षकवर्ग आणि पालकांनी या उपक्रमाचे स्वागत करून आयोजकांचे आभार मानले. विज्ञान दिनानिमित्त आयोजित या शिबिरामुळे विद्यार्थ्यांमध्ये आरोग्याबाबत सजगता वाढली असून समाजात थॅलेसेमिया प्रतिबंधासाठी सकारात्मक संदेश पोहोचला आहे.
