धरणगाव (प्रतिनिधी) भरधाव चारचाकी वाहनाने दिलेल्या धडकेत शहरातील परधीवाडा भागातील एका 44 वर्षीय व्यक्तीचा जागीच मृत्यू झाल्याची घटना 29 सप्टेंबर रोजी रात्री आठ वाजता घडली होती. जितेंद्र हिलाल पारधी (44, पारधीवाडा, धरणगाव) असे मयताचे नाव आहे.
धरणगाव शहरातील पारधीवाडा येथे जितेंद्र पारधी हे आपल्या परिवारासह वास्तव्याला होते. मजूरीचे काम करून आपला उदरनिर्वाह करत होते. 29 सप्टेंबर रोजी रात्री 8 वाजेच्या सुमारास कामावरून घरी पायी जात असतांना मागून चारचाकी वाहन क्रमांक (एमएच 19 ईए 5444) ने जोरदार धडक दिल्याने अपघातात जितेंद्र पारधी हे गंभीर जखमी झाल्याने त्यांचा मृत्यू झाला.
अपघात होताच चालक हा चारचाकी वाहन घेवून पसार झाला. याप्रकरणी मंगळवार, 10 ऑक्टोबर रोजी सायंकाळी 7 वाजेच्या सुमारास चारचाकीवरील अज्ञात चालकावर गुन्हा दाखल करण्यात असून पुढील तपास सहाय्यक फौजदार रामदास पावरा हे करीत आहे.
