बोदवड (प्रतिनिधी) तालुक्यातील एणगाव हायस्कूलमध्ये सत्य शोधक समाज दिन नुकताच मोठ्या उत्साहात साजरा करण्यात आला.
महात्मा ज्योतिबा फुले यांच्या प्रतिमेला पुष्पहार अर्पण करून त्यांना अभिवादन करण्यात आले. मुख्याध्यापक डॉ. पुरुषोत्तम गड्डम यांनी सत्यशोधक समाजाची आजही आवश्यकता का आहे, यावर सविस्तर मार्गदर्शन केले. याविषयी अधिक बोलतांना डॉ गड्डम म्हणाले की, अंधश्रद्धा आणि तथ्यहीन कर्मकांडे यांच्यापासून होणाऱ्या अन्याय, अत्याचारापासून गुलामगिरीतून शूद्रातिशूद्र समाजाची मुक्तता करणे व त्यांना हक्काची जाणीव करून देणे हे सत्यशोधक समाजाचे ध्येय होते.
`निर्मिकाचा धर्म सत्य आहे एक, भांडणे अनेक कशासाठी’ हा विचार फुले यांनी मांडला. देवाविषयी किंवा निसर्गाविषयी निर्मिक हा शब्द वापरला. महात्मा फुले यांनी कनिष्ठ वर्गातील लोकांसाठी गुलामगिरी हा उपदेशपर ग्रंथ लिहून झाल्यानंतर महाराष्ट्रात पंतोजी व शेटजींच्या मानसिक गुलामगिरीतून कनिष्ठ वर्गाला मुक्त करण्यासाठी “सत्य शोधक समाज”या संस्थेची स्थापना केली. अशी माहिती डॉ.पुरुषोत्तम संभाजीराव गड्डम यांनी यावेळी विद्यार्थ्यांना दिली. कार्यक्रमास शाळेचे सर्व शिक्षक शिक्षकेतर कर्मचारी वृंद, जेष्ठ शिक्षक जी .जी. जावळे,पी. एस. बोंडे ,एन. आर .राजपूत, एस ए पाटील, एम. पी .कोळी, जी. यु .किनगे, आर के भंगाळे, एस. टी. पावरा,जी.ए. पाटील, मनोज बहुरूपे, कु. आरती सुरेश कोळी तथा शिक्षकेतर कर्मचारी एन. एन. बोंडे, हेमंत पाटील, अशोक तायडे, सुरेश शिरसाठ, योगिता निकम आणि ग्रंथपाल डी. आर. पाटील यांनी केले. तर सुत्रसंचालन एन.आर. राजपूत यांनी केले.
