चाळीसगाव (प्रतिनिधी) तालुक्यातील पोहरे येथील शेतकऱ्याचा बैलगाडी वरून खाली पडल्याने मृत्यू झाल्याची घटना उघडकीस आली आहे.
सविस्तर असे की चाळीसगाव तालुक्यातील पोहरे येथील शेतकरी एकनाथ परमेश्वर माळी (वय 62) हे मुलासह आपल्या शेतात गुरांना चारा घेण्यासाठी गेले होते. चारा भरत असताना बैलांनी अचानक धाव घेतली. त्यात गाडीवर उभे असलेले एकनाथ माळी हे खाली पडले आणि यांच्या पोटावर बैलाचा पाय पडला त्यात ते गंभीर जखमी झाले त्याच अवस्थेत त्यांच्या कुंटूबाने चाळीसगाव येथील सर्वज्ञ हॉस्पिटल खाजगी दवाखान्यात दाखल केले. डॉ. हर्षल सोनवणे यांनी तपासणी करून सोनोग्राफी सिटीस्कॅन एक्स-रे काढून त्यांनी सांगितले की किडणीला मोठी जखम झाल्याने त्वरीत ऑपरेशन करावे लागेल. त्यासाठी मोठ्या हॉस्पीटलला हलवावे लागेल. त्यांना औरंगाबाद येथील हेडगेवार हॉस्पिटलला अॅडमिट केले. परंतु, तेथे आई सी यु शिल्लक नसल्याने तेथील डॉक्टरांनी घाटी रुग्णालय येथे हलवण्याचे सांगितले. ताबडतोब कुटुंबांनी त्यांना घाटी रुग्णालय येथे उतरवले परंतु त्यांची प्राणज्योत मालवली. त्यांच्यावर दि. २१ मार्च रोजी पोहरे येथे अंत्यसंस्कार करण्यात आले.
