भुसावळ (प्रतिनिधी) – हातउसनी घेतलेल्या पैशांच्या व्यवहारातून झालेल्या वादाचे पर्यवसान मारहाणीत झाल्याची घटना भुसावळ शहरातील भोईनगर परिसरात २५ ऑगस्ट रोजी सायंकाळी सातच्या सुमारास घडली. या घटनेत पिता-पुत्राला चापटा-बुक्क्यांनी मारहाण करण्यात आली असून, एकाच्या डाव्या हातावर लोखंडी आसारीने हल्ला करण्यात आल्याने दुखापत झाली. या प्रकरणी भुसावळ शहर पोलिस ठाण्यात दोघांविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, पप्पू उर्फ उमेश रमेश भोई (वय ३२, रा. क्षमथुरा अपार्टमेंट, भोईनगर, भुसावळ) यांनी 5, संशयितांकडून हातउसनी पैसे घेतले होते. , या पैशांच्या व्यवहारावरून पप्पू भोई आणि रा संशयितांमध्ये काही दिवसांपासून वाद सुरू – होता. २५ ऑगस्ट रोजी सायंकाळी सातच्या नी सुमारास या पैशांच्या कारणावरून पुन्हा वाद निर्माण झाला. यावेळी संशयित नितीन भोई
व पवन भोई यांनी पप्पू भोई यांच्याशी वाद घालत त्यांना शिवीगाळ केली. त्यानंतर दोघांनी त्यांना चापटा-बुक्क्यांनी मारहाण करण्यास सुरुवात केली. मुलाला मारहाण होत असल्याचे पाहून त्यांचे वडील रमेश भोई यांनी मध्यस्थी करण्याचा प्रयत्न केला. मात्र, त्यांनाही मारहाण करण्यात आल्याचे तक्रारीत नमूद करण्यात आले आहे.
दरम्यान, मारहाणीच्या वेळी लोखंडी आसारीने पप्पू भोई यांच्या डाव्या हातावर प्रहार करण्यात आला. या हल्ल्यात त्यांच्या हाताला दुखापत झाली. घटनेनंतर परिसरात काही काळ तणावाचे वातावरण निर्माण झाले. जखमी पप्पू भोई यांनी याबाबत भुसावळ शहर पोलिस ठाण्यात फिर्याद दिली. फिर्यादीच्या जबाबावरून पोलिसांनी नितीन भोई व पवन भोई यांच्याविरोधात गुन्हा दाखल केला आहे. पुढील तपास पोलिस निरीक्षक महेश गायकवाड यांच्या मार्गदर्शनाखाली एसआय युनूस शेख करीत आहेत.
