चोपडा (प्रतिनिधी) थर्टी फर्स्टच्या रात्री नागरिकांकडील वाहनांची कागदपत्रे तपासणी करताना पोलिसांशी हुज्जत घातल्याची घटना घडली. याचदरम्यान पोलिसांशी झटापट होऊन एकाने सपोनि अजित सावळे यांच्या छातीत लाथ मारून दोन दिवसात तुमची वर्दी उतरवतो, अशी धमकी दिली.
याबाबत पोलीस सूत्रांकडून प्राप्त माहिती अशी की, गुरुवारी पहाटे २ वाजेच्या सुमारास छत्रपती शिवाजी महाराज चौकात पोलीस वाहनांची तपासणी सुरू होती. त्याचवेळी सतीश सोमा वाडे (रा तारामती नगर, चोपडा) हा कारसह तिथे आला. त्याच्याकडे कागदपत्रांची मागणी करण्यात आली. यावरून त्याने तिथे असलेल्या पोलिसांशी हुज्जत घातली. या प्रकरणी वाडे याच्याविरुद्ध गुन्हा दाखल करण्यात आला. तपास सहायक पोलीस अधिक्षक ऋषिकेश रावले हे करीत आहेत.
छातीत लाथ मारून दिली धमकी
वाडे याने पोलीस किसन वाघरे यांच्या छातीत बुक्का मारला आणि सपोनि अजित सावळे यांच्या छातीत लाथ मारली आणि अॅट्रासीटीचा गुन्हा दाखल करून दोन दिवसात तुमची वर्दी उतरवतो, अशी धमकी दिली.
