नाशिक (वृत्तसंस्था) महापालिकेचे मुख्यालय असलेल्या राजीव गांधी भवन मधील शिवसेना गटनेता कार्यालयाला आता अचानक आग लागली असून ती विझवण्याचे शर्थीचे प्रयत्न सुरू आहेत. शरणपूर रोडवर असलेल्या राजीव गांधी भवनात पहिल्या मजल्यावर शिवसेना गटनेता विलास शिंदे यांचे कार्यालय आहे.
नाशिक महापालिकेमधील शिवसेना गटनेत्याच्या कार्यालयाला आग लागल्याची घटना घडलीय. महापालिकेच्या दुसऱ्या मजल्यावरील कार्यालयाला ही आग लागली आहे. काही वेळापूर्वी शॉर्टसर्किटने या केबिनला आग लागल्याचे वृत्त आहे घटनेची माहिती मिळताच अग्निशामक दलाचे जवान दाखल झाले असून आग विझवण्याचे प्रयत्न सुरू आहेत. सुरक्षिततेचा भाग म्हणून महापालिकेतील सर्व कर्मचाऱ्यांना कार्यालयाबाहेर बाहेर काढण्यात आला आहे. तसेच संगणक आणि साहित्य सर्व प्रकारचे साहित्य बंद करण्याचे निर्देश देण्यात आले आहेत. अन्यत्र भडकली नसली तरी ती तातडीने विझवावी यासाठी प्रयत्न सुरू आहेत. सध्या राजीव गांधी भवन मध्ये बघ्यांची प्रचंड गर्दी झाली आहे. आज शुक्रवार म्हणजेच कामाचा दिवस असल्याने मुख्यालयात काम करणारे सुमारे चारशे ते पाचशे अधिकारी कर्मचारी या ठिकाणी आहेत.
परिसरात धुराचे लोट, सुदैवाने कार्यालयात कुठल्याही प्रकारची जीवितहानी नाही
नाशिक महापालिकेमधील शिवसेना गटनेत्याच्या कार्यालयाला आग, महापालिकेच्या दुसऱ्या मजल्यावरील कार्यालयाला ही आग लागली, अग्निशमन दलाचे कर्मचारी घटनास्थळी पोहोचलेले आहेत, परिसरात धुराचे लोट पसरले आहेत, अग्निशमन दलाचे कर्मचारी आगीवर नियंत्रण मिळवण्याचे प्रयत्न करत आहेत, कर्मचारी आणि अधिकारी सामान बाहेर आणण्याचं काम सुरु आहे, मात्र सुदैवाने कार्यालयामध्ये कुठल्याही प्रकारची जीवितहानी झालेली नाही.
