मुंबई वृत्तसंस्था राज्याचे उपमुख्यमंत्री अजित पवार आणि अन्न- नागरी पुरवठा मंत्री छगन भुजबळ यांना दुसऱ्यांदा कोरोनाची लागण झाली आहे. उपमुख्यमंत्री अजित पवार देवगिरी येथे तर छगन भुजबळ हे रामटेक या शासकीय निवासस्थानीच उपचार घेत आहेत. दोन्ही मंत्र्यांनी उपचारासाठी रुग्णालयात न जाता आपल्या निवासस्थानी ‘होम क्वारंटटाईन’ होण्याचा निर्णय घेतला आहे.
मंत्री छगन भुजबळ सोशल मीडियाच्या माध्यमातून म्हटले , माझी कोरोना चाचणी पॉझिटिव्ह आली असून माझी प्रकृती उत्तम आहे.डॉक्टरांच्या सल्ल्यानुसार वैद्यकीय उपचार सुरू असून आपणा सर्वांच्या आशिर्वादाने कोरोनावर मात करून लवकरच मी बरा होईल. गेल्या काही दिवसांत माझ्या संपर्कात आलेल्या व्यक्तींनी काळजी घ्यावी व लक्षणे दिसल्यास तात्काळ कोरोना चाचणी करून घ्यावी. सर्वांना विनंती आहे की, कायम मास्क लावा आणि आपली व आपल्या परिवाराची काळजी घ्या असे आवाहन केले आहे.
राष्ट्रवादी काँग्रेसच्या या दोन बड्या नेत्यांना कोरोनाची बाधा झाल्याचे समजल्यामुळे कार्यकर्त्यांनी चिंता व्यक्त केली आहे.
