आता मराठे राजकीय एन्काऊंटर करणार : मनोज जरांगे पाटील यांचा इशारा !
वडीगोद्री (वृत्तसंस्था) विधानसभेसाठी इच्छुक असलेल्य लोकांचे मत जाणून घेणे महत्वाचे होते, म्हणून इच्छुकांना आज अंतरवाली सराटीत बोलावले होते. आज सर्वांची मते जाणून घेतली आहे. मात्र पाडायचे की लढायचे याचा निर्णय २० तारखेला होणार आहे. जो काही निर्णय होईल तो समाजहिताचा असेल, असे मराठा आरक्षण आंदोलनाचे नेते मनोज जरांगे पाटील यांनी स्पष्ट केले आहे. तसेच आता मराठे राजकीय एन्काऊंटर करणार असल्याचा इशारा त्यांनी यावेळी दिला आहे.
यावेळी पत्रकारांशी बोलतांना जरांगे पाटील म्हणाले की, इच्छुकांची मते जाणून घेतांना सर्वजण बोलले आहे. कुणी पाडा म्हणाले तर कुणी लढा म्हणाले. मात्र जो काही निर्णय होईल तो २० तारखेलाच होणार आहे. मराठयांनी आतापर्यंत खूप सोसलं आहे. आता मराठे राजकीय एन्काऊंटरच करणार असल्याचा इशारा त्यांनी भाजपाला दिला. ज्या मनस्थितीमध्ये समाज जाण्यास तयार नव्हता, त्या मनस्थितीमध्ये जाण्यास समाजाला भाग पाडण्यात आले असून आमच्या नरड्यात विष ओतण्याच काम झाले आहे. आता जो निर्णय होईल तो समाजाच्या हिताचा निर्णय होईल, असे जरांगे यांनी स्पष्ट केले.
