मुक्ताईनगर (प्रतिनिधी) तहसीलदारांच्या बनावट सही, शिक्क्याने शिधापत्रिका बनविणाऱ्या दोघांविरुद्ध गुन्हा दाखल करण्यात आला आहे. अजबराव सीताराम पाटील, पांडुरंग आजबराव पाटील (रा. चिखली ता. मुक्ताईनगर) असे संशयित आरोपींचे नाव आहे.
या संदर्भात अधिक असे की, दि. १४ ऑक्टोंबर ते दि. १४ फेब्रुवारी १४.३० वाजेच्या सुमारास अजबराव सीताराम पाटील, पांडुरंग अजबराव पाटील (रा. चिखली ता. मुक्ताईनगर) या दोघांनी मुक्ताईनगर तहसिलदार यांचे बनावट सही,शिक्के व बनावट शिधापत्रीका तयार करुन शासनाची दिशाबुल करुन फसवणुक केली. या प्रकरणी प्रदीप धनुसिंग आडे (वय ४२, नोकरी – प्रभारी अ. का पुरवठा) यांच्या फिर्यादीवरून गुन्हा दाखल करण्यात आला असून पुढील तपास पो.उप निरी. प्रदिप शेवाळे हे करीत आहेत.