राजस्थान (वृत्तसंस्था) भारतीय टीमचे माजी क्रिकेटर मोहम्मद अझरुद्दीन यांच्या गाडीला राजस्थानमधील सवाई माधोपूर जिल्ह्यात भीषण अपघात झाला. भरधाव गाडीत थेट रस्त्याच्या बाजूला असलेल्या ढाब्यात शिरली. सुदैवाने या अपघातातून मोहम्मद अझरुद्दीन थोडक्यात बचावले आहे. सुरवाल पोलीस स्टेशनजवळ ही घटना घडली.
आपल्या कुटुंबासह रणथंभौरला फिरायला गेलेले माजी क्रिकेटर मोहम्मद अझरूद्दीन यांच्या कारचा बुधवारी भीषण अपघात झाला. या अपघातात रस्त्या शेजारी थांबलेला एक तरुण जखमी झाला आहे. या अपघातात अझरूद्दीन आणि त्यांच्या कुटुंबातील सदस्य थोडक्यात बचावले आहेत. अपघात इतका भीषण होता की, गाडीचा अक्षरशः चुराडा झाला. मिळालेल्या माहितीनुसार अझरूद्दीन आपल्या कुटुंबासह सवाईमाधोपूरला आले आहेत. येथील फूल मोहम्मद चौकात चालकाचे करावरून नियंत्रण सुटल्यामुळे कार पलटली. अपघातात रस्त्याच्या शेजारी थांबलेला एक तरुण जखमी झाला आहे. सूचना मिळताच, डीएसपी नारायण तिवारी घटनास्थळी दाखल झाले. जखमी तरुणाला रुग्णालयात नेले. तसेच, अझरूद्दीन आणि त्यांच्या कुटुंबाला जवळच्या एका हॉटेलमध्ये नेण्यात आले आहे.
