नवी दिल्ली (वृत्तसंस्था) देशाचे माजी पंतप्रधान मनमोहन सिंह यांनी कोरोनावर मात केली आहे. गेल्या १९ एप्रिलला त्यांचा रिपोर्ट कोरोना पॉझिटिव्ह आला होता. यानंतर त्यांना एम्सच्या ट्रामा सेंटरमध्ये भरती करण्यात आले होते. मनमोहन सिंह यांनी कोरोना व्हायरस लशीचे दोन्हीही डोस घेतले आहेत.
मनमोहन सिंह यांनी वयाच्या ८८ व्या वर्षी कोरोनावर मात केली. ‘एम्स’ रुग्णालयातून त्यांना आज सोडण्यात आलं आहे. ४ मार्च आणि ३ एप्रिलनंतर त्यांनी कोरोनाचे दोन्ही लस घेतले होते. मनमोहन सिंह यांना कोरोनाची लागण झाल्याचे कळताच ते ठीक होण्यासाठी प्रार्थना केली जात होती.
‘एम्स’मध्ये उपचार
मनमोहन सिंह काँग्रेसचे ज्येष्ठ नेते आहेत. ते सध्या राजस्थानमधून राज्यसभा सदस्यही आहेत. पंतप्रधान नरेंद्र मोदी पदावर आरुढ होईपर्यंत २००४ ते २०१४ पर्यंत देशाचे पंतप्रधान म्हणून त्यांनी जबाबदारी हाताळली होती.
