धरणगाव प्रतिनिधी – शिक्षणासाठी हातभार या उपक्रमांतर्गत कै. भवरलाल भाऊ जैन तालुका सार्वजनिक शासकीय वाचनालयाच्या वतीने धरणगाव तालुक्यातील साकरे येथील जिल्हा परिषद शाळेतील गरीब व होतकरू विद्यार्थ्यांना मोफत वह्या वाटपाचा कार्यक्रम उत्साहात पार पडला.
या कार्यक्रमाचे वितरण वाचनालयाचे उपाध्यक्ष चंदन पाटील यांच्या हस्ते करण्यात आले. यावेळी प्रमुख उपस्थिती म्हणून नगरसेवक गुलाब मराठे आणि हेडगेवार नगर ग्रामपंचायत सदस्य रावसाहेब पाटील उपस्थित होते.
कार्यक्रम यशस्वी करण्यासाठी जिल्हा परिषद शाळेच्या शिक्षकांनी विशेष परिश्रम घेतले.
कार्यक्रमावेळी शाळेतील शिक्षक, पालक आणि मान्यवर मोठ्या संख्येने उपस्थित होते. उपस्थित मान्यवरांमध्ये पंढरीनाथ पाटील, सुधाकर पाटील, संजय पाटील, घनश्याम पाटील, किशोर पाटील, गोकुळ गुजर, प्रवीण बाविस्कर, विंदल नाईक, राहुल गुजर, रमेश पाटील, विशाल पाटील, निंबा बाविस्कर, रवींद्र सोनार, खुशाल पाटील, अनिल पाटील, जी भाऊ पाटील, बाळू बाविस्कर यांच्यासह गावातील इतर नागरिकांचा समावेश होता.
वाचनालयाच्या या उपक्रमाचे विद्यार्थी आणि पालकांनी कौतुक केले. शिक्षणासाठी आर्थिक अडचण येऊ नये यासाठी असा उपक्रम पुढेही राबवला जाईल, असे यावेळी चंदन पाटील यांनी सांगितले.
