चोपडा (प्रतिनिधी) बियाणे अनुदान 2023 हे महाराष्ट्र व केंद्र शासनाकडून राष्ट्रीय अन्न सुरक्षा अभियानंर्गत दिले जात आहे. यात आज आमदार लताताई सोनवणे यांच्या हस्ते लाभार्थ्यांना मोफत बियाणे वाटप करण्यात आले.
या योजने अंतर्गत कापूस (कॉटन), उडीद, तूर, सोयाबीन, नाचणी, बाजरी, भुईमुग, भात, मका, वरई/ भगर, सोयाबीन आदी सर्व (जिल्हानिहाय वेगवेगळे पिके आहेत) दिले जातात. आज आमदार लताताई सोनवणे यांच्या हस्ते विश्रामगृह येथे अनेक शेतकऱ्यांना कृषी विभागामार्फत बियाणे वाटप करण्यात आले. यावेळी महाराष्ट्र शासनाच्या वतीने एक रुपयात पीक विमाही काढण्यात आला. या एक रुपया पीक विमा योजनेचा अनेक शेतकऱ्यानी फायदा घेतला.
यावेळी माजी आमदार चंद्रकांत सोनवणे यांनी शेतकऱ्यांना आवाहन केले की, एक रुपयात पिक विमा महाराष्ट्र शासनाने सुरु केली योजनेचा जास्तीत जास्त शेतकरी बांधवांनी फायदा घ्यावा. तसेच 100 टक्के अनुदान असलेले बियाणाचा देखील लाभ घ्यावा. यावेळी कृषी उत्पन्न बाजार समितीचे सभापती नरेंद्र पाटील, शिवसेनेचे कार्यकर्ते विकास देशमुख, सुकलाल कोळी, कृषी उत्त्पन्न बाजार समितीचे सर्व संचालक मंडळ, नितीन पाटील, राजेंद्र जैस्वाल, सुंददाताई पाटील, संजय शिरसाठ शिवसेनेचे अनेक कार्यकर्ते तसेच कृषी विभागाचे कृषी अधिकारी दीपक साळुंखे यांच्यासह इतर कर्मचारी हजर होते.
