धरणगाव (प्रतिनिधी) – आनोरे केंद्र सरकारच्या समग्र शिक्षा अभियान अंतर्गत शैक्षणिक वर्ष 2026-27 साठी जिल्हा परिषद शाळा आनोरे येथील विद्यार्थ्यांना मोफत गणवेशाचे वाटप करण्यात आले. हा कार्यक्रम शाळा व्यवस्थापन समितीच्या अध्यक्षा माधुरी महाजन यांच्या अध्यक्षतेखाली पार पडला. यावेळी समितीच्या पदाधिकाऱ्यांच्या शुभ हस्ते विद्यार्थ्यांना गणवेशाचे वाटप करण्यात आले.
याप्रसंगी शाळा व्यवस्थापन समितीचे उपाध्यक्ष मनोज भोई, मराठी शाळा विकास मंचाचे अध्यक्ष संतोष चौधरी, सदस्य भरत महाजन, मनीषा महाजन, मुख्याध्यापक विलास महाजन तसेच शिक्षक मनोहर पाटील, गोपाल विसावे, दिपाली विभांडे उपस्थित होते. त्यानंतर विद्यार्थ्यांना नवीन गणवेश वाटप करण्यात आले. यावेळी अध्यक्षा माधुरी महाजन बोलताना म्हणाल्या की, समग्र शिक्षा अभियानामुळे ग्रामीण भागातील विद्यार्थ्यांना शिक्षणासाठी मोठी मदत होत आहे. गणवेशामुळे विद्यार्थ्यांमध्ये शिस्त, स्वच्छता आणि शाळेविषयी आत्मीयता वाढेल.
कार्यक्रमाच्या शेवटी मुख्याध्यापक विलास महाजन यांनी उपस्थित मान्यवरांचे आभार मानले. कार्यक्रम यशस्वी करण्यासाठी शाळेतील सर्व शिक्षक व शिक्षकेतर कर्मचाऱ्यांनी विशेष मेहनत घेतली.
