धरणगाव (प्रतिनिधी) – धरणगाव नगरीचे माजी लोकनियुक्त नगराध्यक्ष तथा न.पा. गटनेते आदरणीय निलेशभाऊ चौधरी यांच्या वाढदिवसाचे औचित्य साधून आज बालाजी नगर येथे ‘भव्य वृक्षारोपण’ कार्यक्रमाचे आयोजन करण्यात आले होते. “झाडे लावूया, पर्यावरण वाचवूया, सुंदर आणि हिरवेगार धरणगाव घडवूया!” हा सकारात्मक संकल्प घेऊन सहारा बहुद्देशीय संस्थेच्या वतीने या सामाजिक उपक्रमाचे यशस्वी आयोजन करण्यात आले.
सदर वृक्षारोपण कार्यक्रम धरणगाव नगरपालिकेच्या माजी लोकनियुक्त नगराध्यक्ष सौ. लीलाताई चौधरी, लताबाई महाजन (शिवसेना), माजी लोकनियुक्त नगराध्यक्ष निलेशभाऊ चौधरी, सहारा बहुद्देशीय संस्थेचे अध्यक्ष तथा नगरसेवक लक्ष्मण विठोबा माळी आणि बालाजी नगरचे रहिवासी शालिक महाजन यांच्या शुभहस्ते आणि प्रमुख उपस्थितीत पार पडला. वाढदिवसाचा कोणताही बडेजाव न करता पर्यावरणाचा समतोल राखणारा हा स्तुत्य उपक्रम राबवून एक नवा आदर्श निर्माण करण्यात आला.
याप्रसंगी नगरसेवक परमेश्वर महाजन, हेमंत महाजन, उपाध्यक्ष विनोद रोकडे , सचिव रमेश चव्हाण ,रणजीतसिंग शिकरवार, गजानन महाजन, अरविंद चौधरी, गोलू चौधरी, जितु धनगर, रियाज बागवान, अक्षय मुथा, शुभम चौधरी, राजू ठाकूर, अमोल चौधरी, सागर पाटील, किरण अग्निहोत्री, विकी महाजन, गोपाल पाटील यांच्यासह परिसरातील नागरिक, सहारा संस्थेचे पदाधिकारी आणि मोठ्या संख्येने कार्यकर्ते उपस्थित होते. उपस्थित सर्वांनी लावलेल्या झाडांचे पुढील काळात उत्तम संगोपन व संवर्धन करण्याचा निश्चय व्यक्त केला.
