अमळनेर (प्रतिनिधी) येथील खानदेश शिक्षण मंडळ संचलित जी एस हायस्कूलच्या विद्यार्थांनी एनसीसी (NCC) अर्थात राष्ट्रीय छात्र सेनेच्या ‘अ’ प्रमाणपत्र परीक्षेमध्ये घवघवीत यश मिळविले आहे. या परिक्षेत शाळेचे एकुण ४६ विद्यार्थी प्रविष्ट झाले होते. त्यापैकी २५ विद्यार्थी अ श्रेणी मिळवून,१९ विद्यार्थी ब श्रेणी मिळवून तर १ विद्यार्थी क श्रेणी मिळवून उत्तीर्ण झाले आहेत.
यशस्वी विद्यार्थ्यांचे शाळेचे चेअरमन हरी भिका वाणी, मुख्याध्यापक व्हि.एम. पाटील, उपमुख्याध्यापक ए.डी. भदाणे, पर्यवेक्षक एस.आर. शिंगाणे, सी.एस. सोनजे, संस्थेचे शिक्षक प्रतिनिधी राहुल पाटील, मुख्य लिपीक जयश्री भालेराव, शिक्षक प्रतिनिधी पी.एस. काटकर यांनी अभिनंदन केले. तसेच एन सी सी विभाग प्रमुख संदीप बनसोडे यांच्या मार्गदर्शनाखाली विद्यार्थ्यांनी हे यश मिळविले आहे.
