सोनभद्र (वृत्तसंस्था) उत्तर प्रदेशातील सोनभद्र येथे नातेवाईकाचे हातपाय बांधून विवाहितेवर सामूहिक बलात्कार झाल्याची घटना समोर आली आहे. पोलिसांनी गुन्हा दाखल करून तीन आरोपींपैकी दोघांना अटक केली असून तिसऱ्याचा शोध सुरू आहे. यावेळी आरोपींनी पीडित महिलेच्या नातेवाईकाला मारहाण (accused beat relative) देखील केली आहे.
संबंधित घटना उत्तर प्रदेशातील सोनभद्र याठिकाणी घडली आहे. तर पीडित महिला आपल्या एका नातेवाईकासोबत घरी परतत असताना, तीन जणांनी त्यांची अडवणूक करून हा धक्कादायक प्रकार केला आहे. पोलिसांनी दिलेल्या माहितीनुसार, पीडित महिला आपल्या एका नातेवाईकासोबत सोनभद्रच्या घोरावल भागातील मुक्खा फॉलच्या जंगलातून दुचाकीने आपल्या घरी जात होत्या. दरम्यान तीन जणांची त्यांच्यावर नजर पडली आहे.
नातेवाईकाचे हातपाय बांधले
आरोपींनी पीडित महिलेचा आणि त्यांच्या नातेवाईकाचा गुपचूप पाठलाग केल्या. त्यानंतर एका निर्जनस्थळी पोहोचल्यानंतर आरोपींनी दोघांना अडवलं आणि पीडितेसोबत जबरदस्ती करायला सुरुवात केली. यावेळी नातेवाईकानं विरोध केला असता, आरोपींनी नातेवाईकाला बेदम मारहाण केली. नराधम आरोपी एवढ्यावरच थांबले नाहीत. तर त्यांनी नातेवाईकाचे हातपाय बांधले. त्यानंतर पीडित विवाहितेला घनदाट जंगलात घेऊन जात तिच्यावर सामूहिक बलात्कार केला आहे.
अवघ्या काही तासांतच पोलिसांनी दोन आरोपींच्या मुसक्या आवळल्या
हा धक्कादायक प्रकार उघडकीस येताच, पोलिसांनी पीडितेनं दिलेल्या फिर्यादीच्या आधारे तातडीने तपासाची चक्रं फिरवली. घटना घडल्यानंतर अवघ्या काही तासांतच पोलिसांनी दोन आरोपींच्या मुसक्या आवळल्या आहेत. अन्य एक आरोपी फरार झाला आहे. संबंधित आरोपीला पकडण्यासाठी पोलीस पथकाकडून ठिकठिकाणी छापेमारी केली जात आहे. या घटनेचा पुढील तपास पोलीस करत आहेत.
