मुंबई (वृत्तसंस्था) विधानसभा अध्यक्ष व उपाध्यक्ष निवडणूक प्रक्रियेत बदल करण्याच्या अधिसूचनेला भाजपचे (BJP) नेते गिरीश महाजन (Girish Mahajan) यांनी मुंबई उच्च न्यायालयात आव्हान दिले आहेे. यावरील सुनावणीसाठी उच्च न्यायालयाने महाजन यांना पूर्वअट ठेवली होती. त्यानुसार महाजन यांना उच्च न्यायालयाने (High Court) १० लाख रुपये जमा करण्याचे निर्देश दिले होते. त्यानुसार महाजन यांनी दहा लाख रुपये जमा केले आहे.
यानंतर गिरीश महाजन मागे हटणार का? अशी चर्चा होती. मात्र गिरीश महाजन यांनी आज कोर्टात दहा लाख रूपये जमा केल्याचं सांगितलं आहे. राजकीय लढाई हायकोर्टात कशाला असा प्रश्न विचारत अध्यक्ष निवडीला आव्हान देणारी याचिका करणाऱ्या भाजप आमदार गिरीश महाजन यांना न्यायालयाने १० लाख रुपये भरण्याचे आदेश दिले. त्यानुसार आपण हे दहा लाख रूपये भरले आहेत असं गिरीश महाजन यांनी सांगितलं आहे. हे दहा लाख रूपये त्यांनी डिमांड ड्राफ्टद्वारे जमा केले आहेत.
थेट मतदारांकडून होणाऱ्या मतदानात गुप्त मतदान प्रक्रिया आवश्यक असते. बॉम्बे हायकोर्टाचे मुख्य न्यायाधीश जस्टीस दीपांकर दत्ता आणि जस्टीस मकरंद कर्णिक यांच्या खंडपीठासमोर अध्यक्षनिवडीला आव्हान देणाऱ्या दोन याचिका दाखल झाल्या आहेत. याचिकाकर्त्यांनी अध्यक्ष निवडीच्या प्रक्रीयेसाठी सरकारने नियमांमध्ये केलेला बदल हा संविधानाला धरुन नसल्याचं सांगितलं आहे. जनक व्यास या व्यक्तीने ही याचिका दाखल केली असून याआधीच्या आठवड्यात राज्याचे महाधिवक्ता आशुतोष कुंभकोणी यांनी या याचिकेला विरोध दर्शवला होता. हायकोर्टाने व्यास यांना याचिकेवर सुनावणी हवी असल्यास दोन लाख रुपये भरण्याचे आदेश दिले होते. व्यास यांनी ही रक्कम भरल्यानंतर ही सुनावणी सुरु झाली आहे.
