पुणे (प्रतिनिधी) एकनाथराव खडसे राष्ट्रवादीतून आमदार झाले आणि सरकारच पडलं. त्यानंतर गिरीश महाजन यांनी खडसेंना दर्शनाला गेले आणि चप्पल गेली चोरी म्हणत खिल्ली उडवली होती. त्यावर गिरीश महाजन यांनी आयुष्यभर माझ्या चपलांची पूजा केली म्हणत खडसेंनी महाजन यांच्यावर पलटवार केलाय.
एकनाथराव खडसे यांनी गिरीश महाजन यांच्या टीकेबाबत बोलताना गिरीश महाजन हे आयुष्यभर माझ्याच पादत्राणापाशी वाढल्याची आठवण त्यांना करून दिली. तसेच गिरीश महाजन यांनी आयुष्यभर माझ्या चपलांची पूजा केली. स्वाभाविक त्यांचं लक्ष माझ्या चपलांजवळच असणार, माझ्या चपला घेऊनच ते चालत होते, तसेच मत मागत होते. त्यामुळे माझ्या चपलांची त्यांना जास्त काळजी वाटते. असा टोलाही खडसेंनी लगावला आहे. तसेच गिरीश महाजन हे बालिश आहेत. त्यांना कोणीही सिरीयस घेत नाही. असे म्हणत खडसेंनी महाजनांच्या वक्तव्याची खिल्ली उडवली आहे. दरम्यान, राष्ट्रवादीच्या कोट्यातून विधान परिषदेत आमदार झाल्यावर खरं तर वाटत होतं की आपण मंत्री होऊ, पण सर्व गोष्टी मनासारख्या होत नाहीत. खडसेंनी विधान परिषदेची शपथ घेतली आणि महाविकास आघाडीत आले आणि महाविकास आघाडीचं सरकारच गेलं. त्यामुळे खडसेंना तर आमदारकीवरच समाधान मानावं लागेल, पंगत बसली आणि बुंदी संपली सोशल असं सोशल मीडियावर असं ऐकलं होतं. त्यापेक्षा मी असं ऐकलं मंदिरात गेले आणि प्रसाद संपला, मंदिराच्या बाहेर गेले आणि शप्पल चोरीला गेली, असे म्हणत गिरीश महाजन यांनी खडसेंचे खिल्ली उडवली होती.
