मुंबई (वृत्तसंस्था) राज्याच्या राजकारणातून एक मोठी बातमी समोर येत आहे. राज्यात कायदा सुव्यवस्था बिघडल्यास राष्ट्रपती राजवट लागू होण्याची शक्यता वर्तवली जात आहे. आमदारांच्या कार्यालय आणि घरांवर हल्ले होत असल्याने राज्यपाल यावर विचार करु शकतात, अशी सूत्रांची माहिती आहे.
एकनाथ शिंदे यांच्यासोबत जवळपास 50 आमदारांची संख्या आहे. त्यामुळे महाविकासआघाडी सरकार धोक्यात आलं आहे. शिवसेना नेते एकनाथ शिंदे यांच्या बंडामुळे राज्याच्या राजकारण ढवळून निघाले आहे. पक्षप्रमुख उद्धव ठाकरे बैठकांवर बैठका घेत आहेत. तर दुसरीकडे एकनाथ शिंदे यांनी गुजरातमध्ये देवेंद्र फडणवीस यांची भेट घेतल्याची माहिती समोर येत आहे.
एकनाथ शिंदे काय भूमिका घेतात?, याबाबत राज्याच्या राजकारणाची पुढील दिशा ठरणार आहे. त्यातच आता राष्ट्रपती राजवटीची शक्यता वर्तवली जात आहे.बंडखोर आमदारांच्या विरोधात ठिकाणी आमदारांचे बॅनरजी फाडण्यात आली आहेत. तर काही ठिकाणी त्यांच्या फोटोला काळीमा फासण्यात येत आहे. तर दुसरीकडे शिंदे गटाकडून आज पहिल्यांदाच पत्रकार परिषद घेण्यात आली.
