औरंगाबाद (वृत्तसंस्था) महाराष्ट्रातील शिवसेनेचे बंडखोर आमदार आसाममधील गुवाहाटीतील पंचतारांकित हॉटेल रेडिसन ब्लूमध्ये गेल्या चार दिवसांपासून मुक्कामी आहेत. शिवसेना आमदारांवर मात्र लाखोंचा खर्च होत आहे. अशातच शिंदे गटात सहभागी होण्यासाठी 50 कोटींहून अधिकची ऑफर मिळाल्याचा गौप्यस्फोट शिवसेना आमदार उदयसिंग राजपूत यांनी केला आहे. राजपूत यांच्या या माहितीमुळे राजकीय वर्तुळात खळबळ उडाली आहे.
उदयसिंग राजपूत हे औरंगाबादच्या कन्नडचे आमदार आहेत. त्यांनी केलेल्या या दाव्यामुळे आता शिवसेनेतल्या बंडाला एक नवं वळण मिळण्याची शक्यता आहे. शिवसेना आमदारांवर मात्र लाखोंचा खर्च होत आहे. या खर्चावर राष्ट्रवादी कॉंग्रेसने प्रश्न उपस्थित केला आहे. एवढंच नाही तर दोन चारचाकी भरुन पैसे आल्याचं फुटेजही असल्याचा दावा उदयसिंग राजपूत यांनी केला आहे. 100 कोटी दिले तरीही गद्दारी करणार नाही, असंही उदयसिंग राजपूत म्हणाले आहेत. अशा परिस्थितीत राष्ट्रवादीच्या प्रवक्त्यांनी आर्थिक बाबी लक्षात घेता काही प्रश्न उपस्थित केले आहेत.
एकनाथ शिंदे यांच्या भूमिकेमुळे महाविकास आघाडी सरकार अल्पमतात येण्याची शक्यता निर्माण झाली आहे. यामुळे महाराष्ट्रात राजकीय संकट निर्माण झाले आहे.एका शिवसेना कार्यकर्त्यासह बोलतानाची त्यांची एक ऑडिओ क्लिप सध्या व्हायरल झाली आहे. त्यात ते ऑफर स्वीकारली नाही. कारण मी तत्त्व आणि निष्ठेला महत्त्व देणारा आहे. शिंदे मला मंत्रीही करू शकतील, पण मला पदाचा हव्यास नाही. मी शिवसेनेतच राहणार आहे, असल्याचे असल्याचेही त्यांनी सांगितले.
