जळगाव (प्रतिनिधी) बारी समाजाच्या हितासाठी संत रुपलाल महाराज आर्थिक विकास महामंडळ मान्यता मिळाल्याबद्दल स्वच्छता व पाणीपुरवठा मंत्री तथा पालकमंत्री गुलाबराव पाटील यांचा समस्त बारी समाजाच्या वतीने जल्लोषात सत्कार समारंभ करण्यात आला.
आज बारी वाडा शिरसोली प्र न येथे बारी समाजाच्या हितासाठी संत रुपलाल महाराज आर्थिक विकास महामंडळ मान्यता मिळाल्याबद्दल सुर्यवंशी बारी पंच मंडळ सदस्य, सुर्यवंशी बारी मित्र मंडळ, सहकार्य मित्र मंडळ, विरता मित्र मंडळ, विवेकानंद फाउंडेशन, रामराज्य ग्रुप, अशोक नगर बॉईज, बारी समाज शिरसोली प्र बो मित्र मंडळ व भजनी मंडळ ग्रुप समस्त ग्रामस्थ यांच्या वतीने महाराष्ट्रात सरकार व पालकमंत्री गुलाबराव पाटील यांचा जल्लोषात सत्कार समारंभ करण्यात आला. व गुलाबराव पाटील यांचे आभार मानण्यात आले.
यावेळी नवरात्र निमित्त विविध मंडळाची गुलाबराव पाटील यांच्या हातून आरती करण्यात आली. त्यांनी उत्साहाने समाजाचे आभार मानले व शिंदे सरकार यांच्या वतीने विविध योजनांची माहिती दिली. तसेच विविध विकास कामांचा आढावा त्यांनी सांगितला. मुख्यमंत्री लाडकी बहीण योजना, अपंगसाठी सायकली, मुलींसाठी शिक्षण मोफत, डोळ्यांचे ऑपरेशन शिबिर, भजनी मंडळासाठी साहित्य वाटप असे सामाजिक कामे पाहून विरोधकांना धडकी भरल्याचे गुलाबराव पाटील यांनी त्यांच्या शैलीत सांगितले.
यावेळी तालुका प्रमुख शिवराज पाटील, रमेश आप्पा, सरपंच हिलाल आप्पा भील, नंदु पाटील, शंपाआबा पाटील, अर्जुन पाटील, बारी पंच मंडळ सदस्य विजय पाटील व युवासेना तालुका अध्यक्ष रामकृष्ण काटोले यांनी प्रस्तावना केली.