चंदीगड (वृत्तसंस्था) बलात्कार व हत्या प्रकरणात दोषी असलेला डेरा सच्चा सौदा प्रमुख गुरमीत राम रहीम याला गुपचूपपणे एका दिवसाची पॅरोल मंजूर करण्यात आला होता. हरियाणा सरकारने २४ ऑक्टोबर रोजी राम रहीमला आजारी आईला भेटण्यासाठी एका दिवसाचा पॅरोल मंजूर करण्यात आल्याची बातमी समोर येतेय.
डेरा सच्चा सौदा प्रमुख बलात्कार आणि हत्या प्रकरणात दोषी आढळल्यानंतर गुरुमीत राम रहीम यांच्यावर बलात्कारापासून खुनाचे व खुनाच्या प्रयत्नाचे आरोप आहेत. त्यांनी आपल्या ४०० पुरुष अनुयायांची जबरदस्तीने नसबंदी केल्याचा आरोपही त्यांच्यावर असून रोहतक तुरुंगात बंद आहे. त्या गुरुग्रामच्या एका रुग्णालयात भर्ती आहेत. डेरा प्रमुख २४ ऑक्टोबर रोजी सायंकाळपर्यंत आपल्या आईसोबत होता. सूत्रांच्या माहितीनुसार, या दरम्यान हरियाणा पोलिसांच्या तीन तुकड्या तैनात करण्यात आल्या होत्या. उल्लेखनीय म्हणजे एका तुकडीत ८० ते १०० जवानांचा सहभाग असतो. उल्लेखनीय म्हणजे, सुरक्षेसाठी तैनात असणाऱ्या जवानांनाही या गोष्टीची भनक नव्हती की कोणत्या व्यक्तीला एस्कॉर्ट करत होते. राम रहीमला पडदे लावलेल्या पोलिसांच्याच एका गाडीतून गुरुग्राम रुग्णालयापर्यंत आणण्यात आलं. रुग्णालयाच्या बेसमेंटमध्ये ही गाडी पार्क करण्यात आली. ज्या मजल्यावर राम रहीमच्या आईवर उपचार सुरु होते, तो संपूर्ण मजला रिकामा करण्यात आला.’आम्हाला तुरुंग अधीक्षकांकडून राम रहीमच्या गुरुग्राम दौऱ्यासाठी सुरक्षा व्यवस्थेचं निवेदन मिळालं होतं. त्यामुळे आमच्याकडून २४ ऑक्टोबर रोजी सकाळपासून सायंकाळपर्यंत सुरक्षा उपलब्ध करून दिली होती’, असं म्हणतानाच रोहतक पोलीस अधीक्षक राहुल शर्मा यांनी या बातमीला दुजोरा दिलाय. परंतु, राम रहीमला पॅरोल मंजूर करताना प्रचंड गुप्तता पाळण्यात आली. राम रहीमला सुनारिया तुरुंगातून गुरुग्राम रुग्णालयापर्यंत मोठ्या सुरक्षेसहीत नेण्यात आलं.
