भुसावळ (प्रतिनिधी) श्री समर्थ रामदास स्वामी रचित मारुती स्तोत्र हे भगवान हनुमानाला समर्पित एक शक्तिशाली स्तोत्र आहे. हे स्तोत्र हनुमानाच्या सामर्थ्य, भक्ती आणि वीरतेचे प्रतीक आहे. संपूर्ण हनुमान चरित्र सार म्हणजे मारुती स्तोत्र होय,असे कथन निरूपणकार डॉ. नितु पाटील यांनी आज केले.
ओम सिद्धगुरू नित्यानंद प्रतिष्ठान संचलित “वासुदेव जेष्ठ नागरिक संघाची” मासिक सभा रिंग रोड, भुसावळ या ठिकाणी झाली. यावेळी व्यासपीठावर अध्यक्ष प्रकाश पाटील, सचिव सतीश जंगले, निरूपणकार डॉ. नितु पाटील, संजय चौधरी, भानुदास पाटील उपस्थित होते. कार्यक्रमाची सुरुवात विश्व प्रार्थना आणि हनुमान चालीसा पठणाने झाली.
“मारुती स्तोत्र ” या वर निरुपणकार डॉ. नितु पाटील बोलत होते. पुढे ते म्हणाले की मारुती स्तोत्राचे नियमित पठण केल्याने मानसिक शांति, भय आणि नकारात्मकता दूर होणे, शारीरिक आणि मानसिक स्वास्थ्य लाभणे, आणि जीवनात यश आणि समृद्धी प्राप्त होणे असे अनेक लाभ होतात. संपूर्ण 15 मारुती स्तोत्र श्लोक वर डॉ. पाटील यांनी प्रत्येक कथा, संदर्भ आणि त्यातून येणारा बोध अशी सविस्तरपणे माहिती सर्व जेष्ठ नागरिकांना दिली. तसेच सर्व शंका निरसन केले. शेवटी सर्वांनी एका सुरात मारुती स्तोत्राचा पाठ केला.
कार्यक्रमात रमेश चौधरी, पुंजो भारंबे, हेमंत बोंडे, प्रभाकर झांबरे, भरत जंगले, लता चौधरी, जनार्दन राणे, दिलीपसिंग चौधरी, सुरेश बेलसरे ,पुंजो भारंबे, रमण भोगे, प्रमोद बोरोले, विजया भारंबे, ज्योती चौधरी, राजाराम चौधरी, मोतीराम चौधरी, चंद्रकांत चौधरी, दिलीप चौधरी, प्रमिला चौधरी, प्रतिभा चौधरी, सोपान चर्हाटे ,लोटू फिरके, अलका इंगळे, तुकाराम पाटील, सोपान नेमाडे, अशोक नेहेते , विजया पाटील, वैशाली तुकाराम पाटील, ज्ञानदेव पाटील , अनिल पाटील, सुलोचना पाटील, प्रकाश पंडित पाटील, ज्ञानेश्वर पाटील, इंदू पाटील, विकास राणे, गणेश सरोदे, इंदुबाई सपकाळे, रजनी तळेले, यशवंत वारके, विश्वनाथ वाणी, छबुताई झांबरे, अरुण धांडे आदी सभासद उपस्थित होते.
कार्यक्रमाचे सूत्रसंचालन सतीश जंगले यांनी केले. कार्यक्रम यशस्वीतेसाठी प्रकाश पाटील, संजय चौधरी, प्रभाकर झांबरे, अशोक नेहेते, धनराज पाटील, भास्कर खाचणे, भानुदास पाटील, सुनील सूर्यवंशी यांनी सहकार्य केले. विश्व कल्याण साधनारी प्रार्थना होऊन कार्यक्रमाचा समारोप करण्यात आला. सूत्रसंचालन सतीश जंगले आणि आभार प्रदर्शन प्रकाश पाटील यांनी केले.
भक्ती म्हणजे हनुमान आणि हनुमान म्हणजे भक्ती… – निरूपणकार डॉ. नितु पाटील
प्रभु श्री राम यांचे अगणित भक्त आहेत. पण सर्वांमध्ये अग्रक्रमाने नाव घेतले जाते ते म्हणजे भगवान हनुमान यांचेच. हेच कारण आहे ज्यामुळे जगात प्रभु श्री राम यांच्यापेक्षा जास्त मंदिरे भगवान हनुमान यांची आढळतात. भक्ती कशी असावी याचे मूर्तीमंत उदाहरण हे भगवान हनुमान होय.
