अमळनेर (प्रतिनिधी) शहरातील एका महाविद्यालयाच्या बाहेर एका विवाहितेची छेडखानी करून तिच्या पतीला देखील बेदम मारहाण केल्याप्रकरणी चौघांविरुद्ध गुन्हा दाखल करण्यात आला आहे. पोलिसांनी तीन संशयित आरोपींना अटक देखील केली आहे.
पिडीत विवाहितेने दिलेल्या फिर्यादीत म्हटले आहे की, दि. ३ रोजी २ वाजेच्या सुमारास अमळनेर शहरातील एका महाविद्यालयाच्या गेटच्या बाहेर चालत जात असतांना पाठीमागून ४ मुले पिडीतेचा पाठलाग करत होते. त्यापैकी एका उंच मुलांने मला बेबी असा आवाज दिला. तर अनिरुध्द उर्फ मोन्या अर्जुन चंडाले, चंद्रकात राजेंद्र पाटील, अविनाश अर्जुन चंडाले, अनिरुध्द उर्फ मोन्याचा भाऊ (पुर्ण नाव माहीत नाही, तिघं रा. अमळनेर) हे सर्व पिडीत विवाहितेचा पाठलाग करत होते. अनिरुध्द उर्फ मोन्या अर्जुन चंडाले याने पिडीतेच्या डाव्या खांद्यावर हात ठेऊन केसास हात लावला. तर तिघांनी पकड तिला असे म्हटले. तसेच पिडीतेच्या पतीला लाथाबुक्यांनी पोटावर मारहाण करुन, तुला जिवे मारुन टाकू अशी धमकी दिली. या प्रकरणी चौघांविरुद्ध विनयभंगसह विविध कलमान्वये गुन्हा दाखल करण्यात आला असून पुढील तपास पोहेकाँ प्रमोद पाटील हे करत आहेत. दरम्यान, पोलिसांनी तीन संशयित आरोपींना अटक देखील केली आहे.
