धरणगाव (प्रतिनिधी) चोपडा रोडवरील पिंपळे शिवारातील शगून जिनिंगमध्ये माल भरण्यासाठी उभ्या असलेल्या ट्रकला भीषण आग लागून गठान जळून लाखोंचे नुकसान झाले आहे.
पिंपळे शिवारातील चोपडा रोडवरील शगुन कोटेक्स जिनिंग चेतन एंटरप्रायजेस प्रो.प्रा. किशोर चौधरी यांनी भाड्याने घेतली आहे. या ठिकाणी कापूस गाठीचा ट्रक भरलेला होता. दि.२१ मे २०२३ रोजी सकाळी ११:३० वाजेच्या सुमारास अचानक इलेक्ट्रिक शॉक सर्किटमुळे आग लागून ट्रक आणि त्यातील गठान जळून खाक झाली. ट्रक आणि त्यात असलेला अंदाजित माल चाळीस लाखांचा असल्याचे बोलले जात आहे. धरणगाव पोलिसात अकस्मात आगीची नोंद करण्यात आली आहे.
