बुलढाणा (वृत्तसंस्था) एका २२ वर्षीय तरुणाला आधी खून करण्याची धमकी दिली. त्यानंतर २७ मेच्या रात्री दिलेली धमकी प्रत्यक्षात उतरवित तरुणाच्या डोक्यात धारदार शस्त्र व दगडाने वार करुन आरोपी घटनास्थळावरुन फरार झाले. सर्वत्र खळबळ उडवून देणारी ही घटना मेहकर-जानेफळ रोडवर घडली.
मेहकर येथील रहिवासी असलेल्या आकाश राजू ननवरे (वय २२ वर्षे) याचे तेथीलच रहिवासी असलेल्या गणेश किशोर थाबडे याच्यासोबत किरकोळ कारणांवरुन जुने वाद होते. या वादातून काही दिवसांपूर्वी गणशने आकाशच्या घरी जावून त्याला जिवाने ठार मारून टाकण्याची धमकी दिली होती. आकाश व त्याच्या कुटुंबियांनी किशोरने रागाच्या भरात धमकी दिली असावी म्हणून त्याच्या धमकीला फारसे महत्व दिले नाही.
दरम्यान, २७ मेच्या रात्री ११ वाजता गणेश किशोर थाबडे व त्याचे दोन-तीन मित्रांनी एका हॉटेलवर सोबत जेवन केले. त्यानंतर आकाशला मेहकर-जानेफळ रोडवरील सैलानीबाबाच्या छलाव्याजवळ नेऊन त्याच्यासोबत वाद घातला. त्याच्या डोक्यात धारदार शस्त्राचे सपासप वार केले. एवढ्यावर समाधान झाल्याने बाजूला पडलेला दगड उचलून आकाशच्या डोक्यात घातल्याने तो गंभीर जखमी झाला. त्यानंतर आरोपी 1 घटनास्थळावरुन पसार झाले.
जखमीवस्थेत त्याला अकोला येथील रुग्णालयात भरती करण्यात आले. मात्र, उपचाादरम्यान त्याचा मृत्यू झाला. पोलिसांनी तपास पथके तयार करुन वेगवेगळ्या ठिकाणी रवाना केले आहेत. दरम्यान, यातील आरोपी व मृतकाने एका हॉटेलवर सोबत जेवनावळी घेतली. त्यानंतर त्यांनी मृतकाला हॉटेलच्या मागे नेले. सदर ठिकाणी त्याचे डोक आपटून त्याला जखमी केले. खून करणारे आरोपी सराईत गुन्हेगार असून त्यांच्याविरुध्द पोलिसांच्या अभिलेखावर पूर्वीचे अनेक गंभीर दाखल असल्याची माहिती पोलिसांनी दिली.
