नवी दिल्ली (वृत्तसंस्था) कोरोनाच्या उद्रेकामुळे भारतातील परिस्थिती चिंताजनक बनत चालली आहे. देशात रोज कोरोनाबाधित रुग्णसंख्येचा आणि मृत्यूच्या आकड्याचा नवीन विक्रम होताना दिसत आहे. याच पार्श्वभूमीवर हवामान बदलासंबंधी काम करणारी स्वीडिश कार्यकर्ती ग्रेटा थनबर्गने भारतातील कोरोनाच्या स्थितीवर एक ट्वीट केलंय आणि कोरोना विरोधात संघर्ष करणाऱ्या भारताला जगाने मदत करावी असं आवाहन केलं आहे.
भारतात सध्या कोरोना महामारीमुळे परिस्थिती बिघडत चालली आहे. याच पार्श्वभूमीवर स्वीडन येथील हवामान कार्यकर्त्या ग्रेटा थनबर्ग यांनी आपल्या सोशल मीडिया हँडलवरुन ट्विट करत भारत देशातील ऑक्सिजन कमरतेकडे सर्वांचे लक्ष वेधले आहे. त्यांनी ट्विटमध्ये लिहले आहे की, ‘भारत देश सध्या कोरोना महामारीच्या दुसर्या लाटेतून जात आहे. यामुळे देशात ऑक्सिजन, बेड्स, व्हेंटिलेटर आदींची कमतरता भासत आहे. त्यामुळे जगाने पुढाकार घेत कोरोनाच्या लढाईत संघर्ष करणार्या भारत देशाला मदत केली पाहिजे.’ असे आवाहन तीने आपल्या सोशल मीडियाच्या माध्यमातून जगाला केले.
ग्रेटा थनबर्गने आपल्या सोशल मीडिया हँडलवरुन शेतकरी आंदोलनासंदर्भांत एक टूलकिट शेअर केले होते. त्यामुळे ती वादात सापडली होती. दरम्यान, तीला भारतात खूप मोठ्या प्रमाणात ट्रोल केले गेले होते. तीच्यावर भारताला आंतरराष्ट्रीय पातळीवर बदनाम करण्याच्या गटात सामील असल्याचा आरोप करण्यात आला होता.
