भडगाव (प्रतिनिधी) तालुक्यातील गुढे येथील मूळ रहिवासी व भारतीय सैन्य दलातील जवान तथा पश्चिम बंगालच्या कंचनपुरा येथे हवालदार पदावर सेवा बजावणारे राहुल श्रावण माळी (वय 34) यांना देशसेवा बजावताना मंगळवार, 27 रोजी वीर मरण आले. ही घटना भडगाव तालुक्यात कळताच सर्वत्र शोककळा पसरली आहे.
गुढे येथे ही वार्ता कळताच राहुल यांचे बंधू अविनाश माळी हे कलकत्ता येथे रवाना झाले असून शुक्रवारी सायंकाळपयंत वीज जवानाचा मृतदेह गुढे येथे आणला जाण्याची शक्यता आहे. मंगळवार, 27 रोजी रात्री त्यांना कर्तव्यावर असतानाच वीर मरण आले. बराकपूरच्या आर्मी रुग्णालयात त्यांच्या मृतदेहाचे शवविच्छेदन करण्यात आले. वीर जवानाच्या पश्चात पत्नी, मुलगा शिव (4) व शंभू (1.5 वर्ष), वडील, आई व दोन मोठे भाऊ, वहिनी, पुतणे असा परीवार आहे. ते प्राथमिक शिक्षक अविनाश माळी यांचे लहान बंधू होत.
भारतीय सैन्यात सेवारत सैनिक हवालदार राहुल माळी यांचा दिनांक 28 जून रोजी सैन्यसेवेत असतांना त्यांचा आकस्मात मृत्यू झाला असून त्यांचे पार्थिव दिनांक 29 जून रोजी अमृतसर येथून विमानाने इंदोर येथे रात्री 12.30 येत आहे. तदनंतर तेथून सैन्यांच्या गाडीमध्ये त्यांचे मुळ गावी दिनांक 30 जून 2023 रोजी सकाळी सुमारे 8 वाजता येणार आहे. शासकीय इतमात राहुल माळी यांच्यावर अंत्यसंस्कार करण्यात येणार आहेत.
