धरणगाव (प्रतिनिधी) महात्मा फुले हायस्कूल धरणगाव येथे हिंदी अध्यापक मंडळाचे सभाचे आयोजन करण्यात आले असून हिंदी अध्यापक मंडळाची कार्यकारणी जाहिर केली.
कार्यक्रमाचे प्रास्ताविक आर .बी. महाले यांनी केले. हिंदी अध्यापक मंडळाच्या सभेच्या अध्यक्षस्थानी ग.स. सोसायटी चे अध्यक्ष – हिंदी अध्यापक मंडळाचे जिल्हाध्यक्ष – मुख्याध्यापक आण्णासाहेब मनोज कुमार पाटील होते .प्रमुख अतिथी एल.जी. भारुळे ( कार्याध्यक्ष ), के. पी. पाटील ( तहसील अध्यक्ष ) मुख्याध्यापक एम.एच. चौधरी होते. कार्यक्रमाचे अध्यक्ष मनोज कुमार पाटील व कार्यक्रमाचे प्रमुख अतिथी मान्यवरांच्या हस्ते राष्ट्रपिता महात्मा ज्योतिराव फुले व विद्येची खरी देवता सावित्रीमाई फुले यांच्या प्रतिमेचे पूजन करण्यात आले. सभेला सुरुवात करण्याच्या अगोदर हिंदी विषयाचे शिक्षक कै.शरद कुमार बन्सी सर यांना श्रद्धांजली वाहण्यात आली. पी. डी. पाटिल यांनी कार्यक्रमाचे अध्यक्ष व प्रमुख अतिथींचा परिचय करून दिला. आलेल्या सर्व मान्यवरांचा हिंदी अध्यापक मंडळ धरणगाव च्या वतीने शाल पुष्पगुच्छ ग्रंथ देऊन सत्कार करण्यात आला यामध्ये प्राध्यापक गौतम निकम लिखित शिवजागर , छत्रपती शिवाजी महाराज , राष्ट्रपिता महात्मा ज्योतिराव फुले , राजर्षी शाहू महाराज , डॉ. बाबासाहेब आंबेडकर यांचे जीवन चरित्र देण्यात आले.
एल.जी .भारुळे , के. पी. पाटील यांनी हिंदी शिक्षकांना अनमोल असे मार्गदर्शन केले. जिल्हा कार्यकारणीतील मान्यवरांच्या उपस्थितीत धरणगाव हिंदी अध्यापक मंडळाची कार्यकारणी घोषित करण्यात आली यामध्ये बी.जे. महाजन विद्यालयाचे उपशिक्षक आर. बी. महाले अध्यक्ष, सा. दा. कुडे विद्यालयाचे उपशिक्षक एस. एल. सूर्यवंशी यांची उपाध्यक्ष, पी. आर. हायस्कूल ज्येष्ठ शिक्षक एस. के. बेलदार यांची सचिव, महात्मा फुले हायस्कूल चे उपशिक्षक पी डी पाटिल यांची कोषाध्यक्ष म्हणून निवड करण्यात आली. सर्व नवनियुक्त पदाधिकाऱ्यांचा मान्यवरांच्या हस्ते पुष्पगुच्छ देऊन सत्कार करण्यात आला.
कार्यक्रमाचे अध्यक्ष मा. मनोज कुमार पाटील सर यांनी नवनियुक्त कार्यकारिणीला मनःपूर्वक शुभेच्छा दिल्या व मोलाचे मार्गदर्शन केले. हिंदी विषय शिक्षकांच्या समस्या सोडवण्यासाठी मी सदैव तत्पर आहे. सभेला धरणगाव तील हिंदी विषय शिक्षक मोठ्या संख्येने उपस्थित होते. कार्यक्रमाचे सूत्रसंचालन ए.डी. पाटील , पी.डी. पाटील यांनी केले तर आभार एस. के. बेलदार यांनी मानले. कार्यक्रम यशस्वीतेसाठी हिंदी अध्यापक मंडळ धरणगाव यांनी सहकार्य केले.
