धरणगाव (वृत्तसंस्था) “खान्देशस्तरीय बालवक्ता” स्पर्धेमध्ये उत्तेजनार्थ बक्षीस मिळवणारी धनश्री पाटील हिचा बहुजन क्रांती मोर्चा धरणगावच्या वतीने महानायिकांचे जीवनचरित्र व शिवजयंतीचे जनक राष्ट्रपिता महात्मा ज्योतिराव फुले हा ग्रंथ देऊन कुटुंबियांसोबत सन्मान करण्यात आला.
या दिवसाचे औचित्य साधून शिवसेनेचे जिल्हाप्रमुख , पुस्तकप्रेमी गुलाबरावजी वाघ साहेब यांच्या वाढदिवसानिमित्त ” शिवराय – फुले – शाहू – आंबेडकर यांचे जीवन चरित्र ” भेट देण्यात आले पुढील जीवनासाठी सदिच्छा व्यक्त करण्यात आल्या.
शतक महोत्सवी शाळा पी. आर. हायस्कूल धरणगाव शाळेचे नुकतेच सेवापूर्ती झालेले मुख्याध्यापक अमृतकर सरांचा “राष्ट्रमाता” हा ग्रंथ देऊन सन्मान करण्यात आला व पुढील जीवनासाठी खूप खूप शुभेच्छा दिल्या. त्यानंतर पी.आर.हायस्कूलचे नवनिर्वाचित मुख्याध्यापक डॉ. संजीवकुमार सोनवणे यांना प्रा.गौतम निकम लिखित “बहुजनांचे महानायक कांशीराम साहेब” यांचे जीवन चरित्र भेट देण्यात आले व पुढील वाटचालीस खूप-खूप शुभेच्छा देण्यात आल्या.
यावेळी बहुजन क्रांती मोर्चाचे तालुका संयोजक आबासाहेब राजेंद्र वाघ , छत्रपती क्रांती सेनेचे जिल्हाध्यक्ष लक्ष्मणराव पाटील , बामसेफचे तालुकाध्यक्ष प्रमोद पाटील , उपाध्यक्ष हेमंत माळी , किशोर पवार , महासचिव आकाश बिवाल , भारत मुक्ती मोर्चा चे राज्य महासचिव मोहन शिंदे , दिपक बिवाल , माळी समाजाचे कोषाध्यक्ष विनोद माळी , भारत मुक्ती मोर्चाचे तालुका अध्यक्ष गौतम गजरे , बुद्धिस्ट इंटरनेशनल नेटवर्क चे तालुकाध्यक्ष निलेश पवार , समर्पण गृपचे अध्यक्ष महेंद्र तायडे , प्रोटॉन शिक्षक संघटनेचे तालुकाध्यक्ष सुनिल देशमुख , राष्ट्रीय किसान मोर्चाचे शहराध्यक्ष गोरख देशमुख , तालुकाध्यक्ष – बाळु भाऊ चौधरी , राष्ट्रीय मुस्लिम मोर्चाचे शहराध्यक्ष नगर मोमीन , मयूर भामरे , यांच्यासह बहुजन क्रांती मोर्चाचे सर्व पदाधिकारी व कार्यकर्ते मोठ्या संख्येने उपस्थित होते.
