जळगाव (प्रतिनिधी) गौण खनिज अवैध वाहतुकीची माहिती मिळताच पोलीस निरीक्षक महेश शर्मा यांच्या मार्गदर्शनाखाली तालुका पोलिसांच्या पथकाने धडक कारवाई केली. तालुका पोलिसांनी तीन वेगवेगळे गुन्हे दाखल करत दोघांना अटक केली आहे.
जळगाव तालुका पोलीस स्टेशनला अवैध गौण खनिज बाबत माहीती प्राप्त झाल्याने पोलीस निरीक्षक, महेश शर्मा यांनी एक पथक तयार केले. त्यानंतर पथकाने अवैध गौण खनिजच्या वेगवेगळया कारवाईमध्ये एकुण 3 गुन्हे दाखल केले असून त्यात 03 ट्रॅक्टर वाहने जप्त करुन दोन संशयित आरोपी अजय भाईदास भिल (वय-22 रा आसोदा ता जि जळागाव) व बळवंत गौरव बाविस्कर (वय-35 रा.पुनगाव ता चोपडा) यांना सदर गुन्हयात अटक करण्यात आली आहे.
सदरची कामगिरी पोलीस अधिक्षक महेश्वर रेडडी, अपर पोलीस अधिक्षक अशोक नखाते व उपविभागीय पोलीस अधिकारी संदीप गावीत यांच्या मार्गदर्शनाखाली पोलीस निरीक्षक महेश शर्मा, पोहेकॉ रामकृष्ण इंगळे, पोहेकॉ प्रविण पाटील, पोहेकॉ अनिल मोरे, पोहेकॉ अशोक पाटील पोना नरेद्र पाटील, पोना मनोज पाटील, पोकॉ अभिषेक पाटील, पोकॉ भुषण सपकाळे व पोकॉ शाम पाटील यांनी सदरची कारवाई केली आहे.
