पाटणा (वृत्तसंस्था) पाटणा जिल्ह्याच्या १४ विधानसभा मतदारसंघाच्या मतमोजणीची प्रक्रिया पाटणातील ए. एन. कॉलेजमधील केंद्रावर होणार आहे. मतमोजणीत सर्वात आधी फतुहा आणि बख्तियारपूर विधानसभा मतदारसंघाचा निकाल जाहीर होईल. कारण या दोन्ही मतदारसंघातील एकूण मतांची तुलना इतर मतदारसंघांच्या तुलनेत खूप कमी आहे. फतुहामध्ये केवळ ४०५ बूथ, तर बखत्यारपूरमध्ये ४१६ बूथ आहेत.
देशाचं लक्ष लागलेल्या बिहार विधानसभा निवडणुकीचा निकाल जाहीर होण्यास अगदी काही तास बाकी आहेत. त्या पार्श्वभूमीवर निवडणूक आयोगाने मतमोजणीची जोरदार तयारी सुरु केली आहे. बिहारमध्ये कुणाचं सरकार स्थापन होणार हे स्पष्ट होणार आहे. जनतेने कुणाला स्विकारलं आणि कुणाला नाकारलं? यावरच एक्झिट पोलचे कल बरोबर आहेत की चुकीचे हेही उघड होणार आहे. मतमोजणी केंद्राच्या आजूबाजूला फटाके फोडण्यास आणि रंग-गुलाल उधळण्यास निर्बंध घालण्यात आले आहेत.अंतिम निकालासोबतच अनेकांना बिहारमधील या निवडणुकीची मतमोजणी नेमकी कशा पद्धतीने होणार आणि कोणत्या मतदारसंघाचा निकाल सर्वात आधी लागणार याविषयी देखील उत्सुकता असणार आहे. याशिवाय मतमोजणी व्यवस्थित होण्यासाठी नेमकी काय यंत्रणा तयार करण्यात आली आहे आणि त्यात किती लोक आहेत असाही प्रश्न काहींना पडत आहे. प्रत्येक विधानसभा मतदारसंघातील मतमोजणीसाठी दो कक्षांची व्यवस्था करण्यात आली. कोविडच्या पार्श्वभूमीवर विधानसभा निवडणुकीच्या मतमोजणीसाठी १४ टेबलची व्यवस्था करण्यात आली आहे. देशाच्या लक्ष वेधून घेणाऱ्या बिहार विधानसभा निवडणुकांचे निकाल आता काही तास बाकी आहेत. या पार्श्वभूमीवर निवडणूक आयोगाने मतमोजणीची तयारी सुरू केली आहे.
