जळगाव (प्रतिनिधी) आज दि. २४ रोजी राष्ट्रवादी युवक काँग्रेसतर्फे शहरातील प्रभाग क्रमांक १८ शेरा चौक मेहरून रोड येथे रखडलेल्या रस्त्यांचा कामाविरोधात व तेथील अधिकाऱ्यांच्या निष्काळजीपणामुळे झालेल्या अस्वच्छतेच्या विरोधात आंदोलन करण्यात आले.
सदर भागात गेल्या ४ महिन्यांपासून रस्त्याचे काम हे रखडलेले आहे. या रस्त्यावर ४ महिन्यांपासून खडी टाकलेली आहे व काम बंद केले आहे. रस्त्यावरील खडीमुळे नागरिकांच्या गाड्या घसरणे व इजा होणे असे प्रकार नागरिक सहन करत आहेत. तसेच तेथील पाण्याचा व्हॉल्वजवळ प्रचंड प्रमाणात गटारीचे अशुद्ध पाणी साचलेले असते. सदर पाणी हे पुरवठा करण्याच्या पाण्यात मिसळून नागरिकांपर्यंत पोहचते व रोगराई वाढण्याचे प्रकार वाढले आहेत. तरी सदर व्हॉल्वजवळ साचलेल्या पाण्याचा डबक्यामध्ये कार्यकर्त्यांद्वारे झाडाचे रोप लावून संताप व्यक्त करण्यात आला.
सदर प्रश्नांवर त्वरित कारवाई न झाल्यास महानगरपालिकेला टाळे लावण्याचा व मनपा अधिकाऱ्यांना काळे फसण्याचा इशारा राष्ट्रवादी युवक काँग्रेसतर्फे देण्यात आला आहे. या वेळेस नागरिक इतक्या मोठ्या प्रमाणात त्रास सहन करत असताना नगरसेवक त्याकडे दुर्लक्ष करत असून नगरसेवकांनी ठेकेदार कडून १० टक्के कमिशन घेऊन शांत बसलेले तर नाहीत? असा प्रश्न राष्ट्रवादी युवक काँग्रेसतर्फे उपस्थित करण्यात आला.
या रस्त्यावर प्रतीकात्मक खेळण्यात जेसीबी उभे करून निषेध व्यक्त करण्यात आला. यावेळेस महानगरपालिका प्रशासन,ठेकेदार व नगरसेवक यांच्या विरोधात घोषणा देण्यात आल्या. यावेळी राष्ट्रवादी काँग्रेस पार्टी जळगाव महानगराध्यक्ष अशोक लाडवंजारी, युवक शहर जिल्हाध्यक्ष रिकु चौधरी, युवक उपाध्यक्ष साहिल पटेल, डॉ रिझवान खाटीक, सलीम इनामदार, रफिक पटेल, चेतन पवार, हुसेन बाबा, हितेश जावळे, आकाश हिवाळे, विनोद धुमाळे, मतीन सय्यद,पंकज तानपुरे,विशाल देशमुख,वसीम खान,फारुख सैयद, दिलीप अहिरे, संदीप काबरा,गणेश सोनगिरे, शाहरुख मच्छी,अजहर पटेल, जाकिर शेख, जाहिद शाह, असलम मच्छी,आरिफ खान रफीक शेख आदी उपस्थित होते.
