चाळीसगाव (प्रतिनिधी) शासकीय योजनांचा लाभ घेण्यासाठी चिरीमिरी, मध्यस्तच लागतो अशी नकारात्मक भावना नागरिकांमध्ये सरकार आणि प्रशासन याविषयी असते. त्यामुळे अनेक सहज मिळणाऱ्या योजनांचा लाभ घेण्यापासून लाभार्थी वंचित राहतात. त्यामुळे ग्रामीण भागातील शेवटच्या वंचित घटकाला शासकीय योजनांचा लाभ त्याच्या दारी जाऊन देण्यासाठी ‘आमदार आपल्या दारी, शासकीय योजना पोहोचतील घरोघरी’ या अभियानाची सुरुवात चाळीसगाव तालुक्यात करण्यात आली आहे. आज दि.७ सप्टेंबर रोजी तिरपोळे नवेगाव येथील जिल्हा परिषद शाळा येथे आयोजित “आमदार आपल्या दारी” या कार्यक्रमात ४३२ लाभार्थ्यांना विविध शासकीय योजनांचा प्रत्यक्ष लाभ देण्यात आला. स्वातंत्र्यानंतर प्रथमच तिरपोळे येथे अश्या पद्धतीने ग्रामस्थांच्या दारी येऊन एकाच दिवसात योजनेचा लाभ दिला गेल्याने ग्रामस्थांनी समाधान व्यक्त केले.
यावेळी चाळीसगावचे प्रांताधिकारी प्रमोद हिले साहेब, तहसीलदार प्रशांत पाटील साहेब, गटविकास अधिकारी नंदकुमार वाळेकर, अप्पर तहसीलदार भारकर साहेब, भाजपा तालुकाध्यक्ष प्रा.सुनील निकम, बाजार समिती सभापती कपिल पाटील, वैद्यकीय अधिक्षक डॉ.भारती पंडित, तालुका कृषी अधिकारी किशोर हाडपे, सहाय्यक गटविकास अधिकारी कैलास माळी, नायब तहसीलदार धनराळे साहेब, लाडवंजारी साहेब, वीज वितरण कंपनीचे अभियंता राउत साहेब, तिरपोळे गावाचे सरपंच राजू चव्हाण, बुथप्रमुख उदयसिंग राजपूत, सुनील राजपूत, गणेश सूर्यवंशी, जुलाल पाटील, माजी उपसरपंच किरण पाटील, पोलीस पाटील शेखर पाटील, शिवनेरी फाउंडेशनच्या अध्यक्षा सौ.प्रतिभाताई चव्हाण, किशोर पाटील, शुभम साळुंखे यांच्यासह विविध शासकीय विभागांचे कर्मचारी उपस्थित होते.
सदर कार्यक्रमात वीज वितरण कंपनीच्या माध्यमातून ४५ लाभार्थ्यांना नवीन वीज कनेक्शन मंजूर करण्यात आले, त्यापैकी ३ लाभार्थ्यांना तात्काळ वीज मीटर देण्यात आल्याने या आदिवासी भिल्ल कुटुंबांच्या घरात पहिल्यांदा विजेचा प्रकाश पडणार आहे. सदर अभियान यशस्वी करण्यासाठी परिश्रम घेणाऱ्या सर्वांचे मी मनापासून आभार मानतो, असे आमदार मंगेश चव्हाण यांनी म्हटले आहे.
तिरपोळे येथे आयोजित “आमदार आपल्या दारी अभियानात प्रत्यक्ष लाभ मिळालेले योजनानिहाय लाभार्थी पुढीलप्रमाणे !
१ – नवीन वीज कनेक्शन – ४५ पैकी ३ लाभार्थ्यांना जागेवर तसेच उर्वरित लाभार्थ्यांना ३ दिवसाच्या आत नवीन वीज कनेक्शन मिळणार.
२ – फाटलेले / हरवलेले रेशनकार्ड नवीन बनवून देणे – पिवळे व केशरी ९०
३ – रेशनकार्ड नाव वाढवणे – २७
४ – केंद्र शासनाचे ई श्रम कार्ड – ५६
५ – उत्पन्नाचे दाखले – २७
६ – दारिद्र्य रेषा बी पी एल दाखले – ३७
७ – नमुना क्र.८ जागेचा / घराचा उतारा – ५७
८ – संजय गांधी निराधार पगार प्रकरणे – २३
९ – श्रावणबाळ योजना प्रकरणे – १०
१० – आभा कार्ड – २७
११ – वैद्यकीय दाखले – ३३
