छत्रपती संभाजीनगर (वृत्तसंस्था) आयकर विभागाने एकाच वेळी छत्रपती संभाजीनगरात ११ बांधकाम व्यावसायिक व उद्योजकांवर धाडी टाकल्या असल्याची प्राथमिक माहिती समोर आली आहे. या कारवाईत २०० अधिकारी, कर्मचाऱ्यांचा समावेश आहे. या कारवाईने एकच खळबळ उडाली आहे.
आयकर विभागाने अचानक अकरा ठिकाणी एकाच वेळी धाडी टाकल्या. शहरातील रेल्वे स्टेशन एमआयडीसी परिसरातील बड्या बांधकाम व्यावसायिकांवर ही कारवाई करण्यात आली. शहरातील अनिल मुनोत, महेश लाभशेटवार, नितीन बगडिया, शिरीष गादिया आणि मंजित प्राईडचे राजपाल यांच्यावर ही कारवाई करण्यात आली.
सकाळी सहा वाजेपासून या कारवाईस सुरुवात झाली. सुरुवातीला ११ ठिकाणी कारवाई झाली. त्यानंतर जसे धागेदोरे वाढत गेले, त्यानुसार कारवाईचा व्यापही वाढविण्यात आला. सायंकाळी सहा वाजेपर्यंत जवळपास वीस ठिकाणी ही कारवाई झाली. या करवाईबाबत मोठी गुप्तता पाळण्यात आली होती. या बांधकाम व्यावसायिकांच्या घर आणि कार्यालयांवर छापा मारून बेहिशेबी मालमत्ता व शासनाच्या चुकवलेल्या टॅक्स संदर्भातील कागदपत्रे जप्त करण्यात आल्याचेही कळते
