चाळीसगाव : येथील छत्रपती शिवाजी महाराज चौक मैदान (सिग्नल पॉईंट) येथे उद्या (दि. 4) रोजी आमदार मंगेश चव्हाण यांच्या संकल्पनेतून ‘जागर आरोग्याचा’.. मोफत आरोग्य नेत्र व रक्तदान तपासणी शिबिराचे आयोजन करण्यात आले आहे. चाळीसगावकरांनी या शिबिराचा लाभ घ्यावा, असे आवाहन देखील करण्यात आले आहे.
उपमुख्यमंत्री देवेंद्र फडणवीस यांच्या मार्गदर्शनाखाली, राज्यस्तरीय विशेष वैद्यकीय मदत कक्ष यांच्या सहकार्याने, आमदार मंगेश दादा चव्हाण यांच्या संकल्पनेतून आणि भारतीय जनता पार्टी व निरामय सेवा फाउंडेशन यांनी ‘जागर आरोग्याचा’.. मोफत आरोग्य नेत्र व रक्त तपासणी शिबिराचे आयोजन केले आहे. या शिबिराचे उद्घाटन महसूल मंत्री तथा पशुसंवर्धन व दुग्ध व्यवसाय विकास मंत्री राधाकृष्ण विखे पाटील यांच्या हस्ते होणार आहे.
सुपर स्पेशालिस्ट डॉक्टरांकडून होणार तपासणी
खास चाळीसगावकरांसाठी नाशिक येथील वाडिया हॉस्पिटल मुंबई व लाईफ केअर हॉस्पिटल या नामांकित हॉस्पिटल मधील सुपर स्पेशालिस्ट डॉक्टरांकडून तपासणी व आजाराचे निदान करण्यात येणार आहे. एवढेच नाही तर विविध आरोग्य समस्यांवर तपासणी व निदान तसेच महात्मा ज्योतिराव फुले जन आरोग्य योजनेअंतर्गत मोफत शस्त्रक्रिया देखील करण्यात येणार आहे. तरी या शिबिराचा चाळीसगावकरांनी जास्तीत जास्त लाभ घ्यावा असे आवाहन करण्यात आले आहे.
