चाळीसगाव (प्रतिनिधी) आमदार मंगेशदादा चव्हाण यांच्या वाढदिवसानिमित्त जळगाव महापालिकेचे उपमहापौर मनोज चौधरी, स्थायी समितीचे सभापती डॉ. चंद्रशेखर पाटील, नगरसेवक अमर जैन आणि सामाजिक कार्यकर्ते राजेश पाटील सर यांनी चाळीसगाव येथे त्यांची सदिच्छा भेट घेत वाढदिवसाच्या शुभेच्छा दिल्या. यावेळी मनोहर पाटील, जितेद्र बाविस्कर, विजय चौधरी, योगेश जाधव हे देखील उपस्थित होते.
यावेळी आमदार मंगेशदादा चव्हाण यांनी या सर्वांना आग्रहाने सोबत घेत पाटणादेवी येथे चंडिका मातेच्या दर्शनासाठी नेले. पाटणादेवी येथील चंडिका माता मंदिरात आमदार मंगेश चव्हाण यांनी पत्नी प्रतिभा चव्हाण यांच्यासोबत देवीचा अभिषेक केला. त्यानंतर झालेल्या आरतीचा मान उपमहापौर मनोज चौधरी, डॉ. चंद्रशेखर पाटील, नगरसेवक अमर जैन आणि सामाजिक कार्यकर्ते राजेश पाटील सर यांनाही देण्यात आला.
वाढदिवसाच्या निमित्ताने राजकीय औपचारिकतेपेक्षा मैत्रीचा जिव्हाळा आणि आपलेपणाचा अनुभव यावेळी पाहायला मिळाला. सर्वांनी आमदार मंगेशदादा चव्हाण यांना मनःपूर्वक शुभेच्छा देत त्यांच्या पुढील वाटचालीसाठी सदिच्छा व्यक्त केल्या.
दर्शनानंतर पाटणादेवीच्या निसर्गरम्य परिसरात आमदार मंगेशदादा चव्हाण यांनी मित्रांसोबत मनमुराद गप्पा मारत वाढदिवसाचा आनंद लुटला. या अनौपचारिक भेटीत राजकीय विषयांपेक्षा मैत्री, जुन्या आठवणी आणि आपुलकीच्या गप्पांना अधिक रंग चढला.
दरम्यान, जळगाव शहरासह जिल्हाभरातील विविध क्षेत्रांतील मान्यवरांनीही आमदार मंगेशदादा चव्हाण यांची भेट घेत त्यांना वाढदिवसाच्या शुभेच्छा दिल्या. त्यामुळे चाळीसगावमध्ये दिवसभर वाढदिवसानिमित्त शुभेच्छांचा वर्षाव पाहायला मिळाला.
