नवी दिल्ली (वृत्तसंस्था) देशात इंधनदरवाढीचं सत्र सुरुच असून आज पुन्हा एकदा इंधनदर वाढले आहे. आज पेट्रोलचे दर २९ पैसे प्रति लिटर आणि डिझेल १७ पैसे प्रति लिटरने वाढले आहेत. आता दिल्लीत एक लिटर पेट्रोलची किंमत ९६.६६ रुपये आणि एक लिटर डिझेलची किंमत ८७.४१ रुपये झाली आहे. मुंबईमध्ये आज एक लिटर पेट्रोलसाठी १०२.८२ रुपये तर डिझेलसाठी ९४.८४ रुपये मोजावे लागताय.
देशामध्ये पुन्हा एकदा इंधनाचे दर वाढल्याने मुंबईत पेट्रोलची किंमत १०२ रुपये प्रति लिटरपेक्षाही अधिक झालीय. बुधवारी म्हणजेच १६ जून २०२१ रोजी इंडियन ऑइल कॉर्परेशनने पेट्रोलचे दर प्रति लिटरमागे २५ पैशांनी तर डिझेलचे दर १३ पैशांनी वाढवले आहेत. त्यामुळे राजधानी दिल्लीमध्ये पेट्रोलेचे दर ९६.४१ रुपये प्रति लिटरवरुन ९६.६६ वर पोहचले आहेत. तर दिल्लीतील डिझेलचे दर ८७.२८ रुपये प्रति लिटरवरुन ८७.४१ प्रति लिटरवर पोहचलेत. मुंबईमध्ये आज एक लिटर पेट्रोलसाठी १०२.८२ रुपये मोजावे लागत आहेत. तर डिझेलसाठी ९४.८४ रुपये मोजावे लागताय.
इंडियन ऑइल कॉर्परेशन, भारत पेट्रोलियम आणि हिंदुस्तान पेट्रोलियम या सरकारच्या मालकीच्या तेल कंपन्या रोज इंधनाचे दर बदलत असतात. जागतिक स्तरावर तेलाचे दर वाढल्याने इंधन दरवाढ होत असल्याचं सांगण्यात येत आहे. रोज सकाळी सहा वाजल्यापासून नवीन दर लागू केले जातात. वेगवेगळ्या राज्यांकडून आकारण्यात येणारे कर हे वेगवेगळे असल्याने देशभरामध्ये राज्यनिहाय दर बदलतात.
महाराष्ट्रात मुंबईसह परभणीतही पेट्रोल-डिझेल दरवाढ सुरु असल्याचं पाहायला मिळालं. आज परभणी पेट्रोल २४ पैशांनी महागलं तर डिझेल १४ पैशांनी वाढले आहे. त्यामुळे परभणीत पेट्रोलचे दर १०५ रुपये १८ पैशांवर तर डिझेल गेले ९५ रुपये ६६ पैशांवर पोहोचलं आहे. यंदाच्या वर्षात चार मेनंतर पेट्रोल, डिझेलच्या दरांमध्ये २४ व्या वेळा वाढ झाल्याचं पाहायला मिळालं. या दरम्यान पेट्रोलच्या दरात ५.५० रुपये आणि डिझेलच्या दरात ६.६३ रुपये प्रति लिटर वाढ झाली आहे.
अहमदनगर, अमरावती, औरंगाबाद, बुलढाणा, गडचिरोली, गोंदिया, हिंगोली, जळगाव, लातूर, उस्मानाबाद, रत्नागिरी, सातारा, सोलापूर, वर्धा, वाशिममध्ये एका लिटर पेट्रोलसाठी १०३ रुपयांपेक्षा अधिक किंमत मोजावी लागत आहे. मुंबईसोबतच अकोला, चंद्रपुर, धुळे, नवी मुंबई, नाशिक, पालघर, पुणे, रायगड, सांगली, ठाण्यात पेट्रोलचे दर १०२ रुपये प्रति लिटरपेक्षा अधिक आहेत.
