धरणगाव (प्रतिनिधी) अंघोळीसाठी इलेक्ट्रीक हिटरने पाणी तापवीत असताना अचानक हिटरचा जोरदार शॉक लागल्याने एका १९ वर्षीय तरुणीचा मृत्यू झाल्याची दुर्दैवी घटना दि.२५ रोजी (शुक्रवार) रोजी पहाटे घडली. सुवर्णा गोकुळ पाटील (वय १९ रा. वर्ष रा. हनुमान नगर धरणगाव), असे मयत तरुणीचे नाव आहे.
पोलीस सूत्रांनी दिलेली माहिती अशी की, सुवर्णा पाटील ही नेहमी प्रमाणे पहाटे ५ ते साडेपाचच्या सुमारास नेहमीप्रमाणे सकाळी लवकर उठली. त्यानंतर तिने अंघोळीसाठी इलेक्ट्रीक हिटर सुरु केला. पाणी तापल्यानंतर पाणी काढत असताना तिला जोरदार इलेक्ट्रिक शॉक बसला. शॉक बसताच सुवर्णा जागीच कोसळली. कुटुंबीयांनी सुवर्णाला तत्काळ रुग्णालयात नेले. परंतु डॉक्टरांनी तिला मयत घोषित करताच कुटुंबीयांनी एकच आक्रोश केला. यावेळी उपस्थितांचे डोळे देखील पाणावले होते. पुढील तपास पोलीस निरिक्षक पवन देसले हे करीत आहेत.
