जळगाव (प्रतिनिधी) तालुक्यातील खेडी खुर्द गावातील अट्टल गुन्हेगाराला जिल्ह्यात दोन वर्षांसाठी हद्दपार करण्यात आले. भूषण रघुनाथ सपकाळे (32, खेडी खुर्द, ता. जळगाव) असे संशयिताचे नाव असून उपविभागीय दंडाधिकारी यांनी काढले आहेत. संशयित भूषणविरोधात तब्बल नऊ गुन्हे दाखल आहेत.
जळगाव तालुक्यातील खेडी खुर्द येथील भूषण रघुनाथ सपकाळे याच्यावर शहर पोलीस ठाण्यासह तालुका पोलीस ठाण्यात 9 विविध गंभीर स्वरुपाचे गुन्हे दाखल आहेत. संशयिताविरोधात वेळोवेळी प्रतिबंधात्मक कारवाई करण्यात आली. परंतु त्याच्या वर्तनात सुधारणा झालेली नाही. यामुळे भूषण सपकाळेचा हद्दपारीचा प्रस्ताव तालुका पोलीस ठाण्याचे तत्कालीन पोलीस निरीक्षक रामकृष्ण कुंभार व कॉन्स्टेबल प्रवीण पाटील यांनी उपविभागीय पोलीस अधिकारी संदीप गावित यांच्या मार्गदर्शनाखाली तयार करून तो पोलीस अधीक्षक एम. राजकुमार यांच्याकडे पाठविला होता.
दरम्यान, प्रस्ताव सादर झाल्यानंतर उपविभागीय दंडाधिकारी यांनी प्रस्तावाच्या चौकशीअंती भूषण सपकाळे याला दोन वर्षासाठी जिल्ह्यातून हद्दपार करण्याबाबत आदेश पारीत केले. या हद्दपारीच्या प्रस्तावाचे कामकाज स्थानिक गुन्हे शाखेचे वरीष्ठ पोलीस निरीक्षक किसन नजन पाटील यांनी पाहिले.
